Orðskviðirnir 1:5 - Biblían (2007)

⁵ hinn vitri hlýðir á og eykur lærdóm sinn, og hinn hyggni þiggur hollráð,

Biblían (1981)

⁵ hinn vitri hlýðir á og eykur lærdóm sinn, og hinn hyggni nemur hollar lífsreglur -

Orðskviðirnir 1:5 ပူးပေါင်းရင်းမြစ်များ

Síðari kroníkubók 25:16

Á meðan hann var að tala greip Amasía fram í fyrir honum og sagði: „Hefur þú verið gerður að ráðgjafa konungs? Hættu, annars verðurðu barinn.“ Spámaðurinn þagnaði en sagði fyrst: „Ég veit að Guð hefur ákveðið að leiða yfir þig ógæfu vegna þess að þú gerðir þetta og fórst ekki að ráðum mínum.“

Jobsbók 34:10

Hlustið því á mig, vitru menn. Fjarri fer því að Guð breyti ranglega og Hinn almáttki aðhafist illt,

Jobsbók 34:16

Hlustaðu þá, hafir þú skilning, leggðu hlustir við því sem ég hef að segja.

Jobsbók 34:2

Hlustið á orð mín, spekingar, hlýðið á mig, vitmenn.

Jobsbók 34:34

Skynsamir menn munu segja við mig, vitrir menn sem hafa hlustað á mig:

Orðskviðirnir 12:1

Sá sem elskar aga elskar þekkingu en sá sem hatar umvöndun er heimskur.

Orðskviðirnir 14:6

Spottarinn leitar visku en finnur ekki en hyggnum manni er hún auðfengin.

Orðskviðirnir 18:15

Hjarta hins hyggna aflar sér þekkingar og eyra hinna vitru leitar þekkingar.

Orðskviðirnir 19:25

Sláir þú spottarann verður hinn fávísi hygginn, sé vandað um við skynsaman mann vex hann að viti.

Orðskviðirnir 21:11

Sé spottaranum refsað verður hinn fávísi hygginn og sé vitur maður fræddur vex hann að viti.

Orðskviðirnir 8:33

Hlustið á hvatningu mína, svo að þér verðið vitrir, og hafnið henni ekki.

Orðskviðirnir 9:8

Ávítaðu ekki hinn háðska svo að hann hati þig ekki, ávítaðu hinn vitra og hann mun elska þig.

Orðskviðirnir 9:9

Gefðu hinum vitra, þá verður hann að vitrari, fræddu hinn réttláta og hann mun auka lærdóm sinn.

Prédikarinn 9:11

Enn sá ég undir sólinni að hinir fótfráu ráða ekki hlaupinu, né hetjurnar stríðinu, né eiga spekingarnir brauðið víst, né hinir hyggnu auðinn, né hinir vitru vinsældir því að tími og tilviljun hittir þá alla fyrir.

Fyrra Korintubréf 10:15

Ég tala til ykkar sem skynsamra manna. Metið sjálf það sem ég segi.

Fimmta Mósebók 4:6

Haldið þau og fylgið þeim því að það mun sýna öðrum þjóðum visku ykkar og skilning en þær munu segja þegar þær heyra um öll þessi lög: „Þessi mikla þjóð er sannarlega vitur og vel að sér.“