Míka 7:4 - Biblían (2007)

⁴ Hinn besti meðal þeirra er sem þyrnir og hinn ráðvandasti verri en þyrnigerði. Sá dagur er kominn sem verðir þínir boðuðu, dagur refsingar þeirra. Nú eru úrræði þeirra engin.

Biblían (1981)

⁴ Hinn besti meðal þeirra er sem þyrnir og hinn ráðvandasti verri en þyrnigerði. Dagurinn sem varðmenn þínir hafa talað um, hegningardagur þinn, kemur. Þá verða þeir úrræðalausir.

Míka 7:4 ပူးပေါင်းရင်းမြစ်များ

Jesaja 10:3

Hvað ætlið þér að gera á degi uppgjörsins þegar illviðrið kemur úr fjarska? Hjá hverjum ætlið þér að leita ásjár, hvar ætlið þér að geyma auðæfi yðar?

Jesaja 22:5

Dagur skelfingar, eyðingar og upplausnar kom frá Guði, Drottni allsherjar, í Sýnadal. Múrarnir voru brotnir niður, neyðaróp glumdu í fjöllunum.

Jesaja 55:13

Í stað þyrnirunna skal kýprusviður vaxa og myrtusviður í staðinn fyrir netlur. Þetta verður Drottni til dýrðar, ævarandi tákn sem aldrei skal afmáð.

Jeremía 10:15

Þær eru aðeins vindgustur, hlægilegar og einskis nýtar. Þegar tími uppgjörsins kemur farast þær.

Jeremía 11:23

Enginn þeirra verður eftir því að ég sendi ógæfu yfir Anatótbúa árið sem þeir verða dregnir til ábyrgðar.

Jeremía 46:21

Málalið mitt í landinu líkist alikálfum en þeir hörfa einnig undan, flýja allir sem einn og fá ekki staðist þegar dagur eyðingarinnar kemur yfir þá, stund uppgjörsins.

Jeremía 8:12

Þeir ættu að skammast sín því að þeir hafa framið viðurstyggilegt athæfi. En þeir skammast sín ekki því að þeir þekkja enga blygðun. Þess vegna munu þeir falla með þeim sem falla. Þegar ég dreg þá til ábyrgðar verður þeim steypt, segir Drottinn.

Esekíel 2:6

En þú, mannssonur, skalt ekki óttast þá né hræðast orð þeirra þó að þyrnar umlyki þig og þú sitjir á sporðdrekum. Þú skalt ekki óttast orð þeirra og ekki hræðast fyrir augliti þeirra því að þeir eru þverúðugir.

Esekíel 28:24

Ísraelsmenn skulu ekki framar nístir þyrnum eða stungnir þistlum nágrannaþjóðanna sem hæðast að þeim. Þá munu þeir skilja að ég er Drottinn Guð.

Amos 8:2

Hann spurði: „Hvað sérðu, Amos?“ Ég svaraði: „Körfu með sumarávöxtum.“ Þá sagði Drottinn við mig: „Endalokin eru komin yfir lýð minn, Ísrael, ég mun ekki láta hann afskiptalausan framar.

Nahúm 1:10

Eins og menn frávita af drykkju fuðra þeir upp, brenna til ösku eins og flækt þyrnikjarr, líkt og skraufþurr hálmur.

Lúkasarguðspjall 21:25

Tákn munu verða á sólu, tungli og stjörnum og á jörðu angist þjóða, ráðalausra við dunur hafs og brimgný.

Hebreabréfið 6:8

En beri hún þyrna og þistla er hún ónýt. Yfir henni vofir bölvun og hennar bíður að lokum að verða brennd.