Míka 2:3 - Biblían (2007)

³ Vegna þessa segir Drottinn: Meiri ógæfu baka ég þessari kynslóð en þér fáið risið undir. Uppréttir munuð þér eigi ganga, slík verður sú hörmungatíð.

Biblían (1981)

³ Fyrir því segir Drottinn svo: Sjá, ég bý yfir óhamingju, sem ég mun senda þessari kynslóð, og þér skuluð ekki fá af yður hrundið né gengið hnarreistir undir, því að það munu verða vondir tímar.

Míka 2:3 ပူးပေါင်းရင်းမြစ်များ

Jesaja 29:20

Kúgarinn verður ekki lengur til, skrumarinn líður undir lok, öllum, sem hyggja á illt, verður tortímt

Jesaja 3:16

Drottinn sagði: Sökum þess að dætur Síonar eru stærilátar, ganga hnakkakerrtar og gjóa daðursaugum, tipla á göngunni með glamrandi ökklahringi,

Jesaja 5:19

þeim sem segja: „Flýti hann sér, láti hann sem fyrst til sín taka svo að vér sjáum það. Komi nú fram ráðagerð Hins heilaga í Ísrael svo að vér verðum varir við.“

Jeremía 18:11

Segðu nú við Júdamenn og Jerúsalembúa: Svo segir Drottinn: Ég bý yður ógæfu og brugga ráð gegn yður. Hver og einn hverfi nú frá sinni illu breytni og snúi til betri vegar og góðrar breytni.

Jeremía 27:12

Sedekía Júdakonungi flutti ég þennan sama boðskap. Ég sagði: Beygið hálsinn undir ok konungsins í Babýlon. Þjónið honum og þjóð hans svo að þér haldið lífi.

Jeremía 34:17

Því segir Drottinn: Þér hafið ekki hlýtt mér. Enginn yðar hefur lýst því yfir að hann leysi ættbróður sinn og landa úr ánauð. Ég boða yður lausn, segir Drottinn, lausn með sverði, drepsótt og hungri. Ég geri yður skelfilega í augum allra konungsríkja jarðar.

Jeremía 36:23

Í hvert skipti sem Jahúdí hafði lesið þrjá eða fjóra dálka skar konungur þá af bókrullunni með pennahníf og fleygði í eldinn í eldstæðinu þar til öll bókin var brunnin.

Jeremía 43:2

Þá tók Asarja Hósajason til máls og talaði við Jeremía ásamt Jóhanan Kareasyni og öllum hrokagikkjunum. Þeir sögðu við Jeremía: „Það sem þú segir er lygi. Það var ekki Drottinn, Guð vor, sem sendi þig með þessi boð: Farið ekki til Egyptalands til að leita þar hælis.

Jeremía 8:3

Allir sem eftir verða af þessari vondu kynslóð munu kjósa dauðann fremur en lífið, allir sem eftir verða á þeim fjölmörgu stöðum sem ég hef hrakið þá til, segir Drottinn hersveitanna.

Harmljóðin 1:14

Syndir mínar eru hnýttar í ok, tvinnaðar saman af hendi hans. Þær eru lagðar mér á háls, hann hefur lamað þrótt minn. Drottinn seldi mig í hendur þeirra er ég fæ eigi staðist í móti.

Harmljóðin 2:17

Drottinn hefur gert það sem hann ásetti sér, látið það rætast sem hann varaði við forðum daga. Vægðarlaust hefur hann rifið niður, látið óvinina hlakka yfir þér og hafið horn fjandmanna þinna.

Harmljóðin 5:5

Ofsækjendur eru á hælum vorum, örþreytt fáum vér enga hvíld.

Amos 2:14

Hlauparinn kemst ekki í skjól, kraftajötunninn fær ekki neytt afls síns og kappinn ekki bjargað lífi sínu,

Amos 3:1

Heyrið þetta orð sem Drottinn talaði gegn yður, Ísraelsmenn, og gegn öllum þeim kynstofni sem ég leiddi út af Egyptalandi:

Amos 3:2

Af öllum kynstofnum jarðar hef ég aðeins valið yður. Þess vegna kalla ég yður til ábyrgðar fyrir öll afbrot yðar.

Amos 5:13

Þess vegna þegir hygginn maður á slíkri tíð því að það er vond tíð.

Míka 2:1

Vei þeim sem efna til ranginda, hyggja á ill verk í hvílu sinni og vinna þau þegar dagur rennur, því að þess eru þeir megnugir.

Rómverjabréfið 16:4

Þau hafa stofnað lífi sínu í hættu fyrir mig. Fyrir það votta ég þeim þakkir, ekki ég einn heldur og allir söfnuðir meðal heiðinna þjóða.

Efesusbréfið 5:16

Notið hverja stund því að dagarnir eru vondir.

Fimmta Mósebók 28:48

verður þú að þjóna fjandmönnum þínum sem Drottinn sendir gegn þér. Þú mátt þola hungur, þorsta og klæðleysi og fara alls á mis. Drottinn leggur járnok á háls þér uns hann hefur gereytt þér.

Jakobsbréfið 2:13

Því að þeim sem ekki auðsýndi miskunn verður ekki sýnd nein miskunn í dóminum. Í dóminum má miskunnsemin sín mest.