Matteusarguðspjall 7:2 - Biblían (2007)

² Því að með þeim dómi, sem þér dæmið, munuð þér dæmd verða og með þeim mæli, sem þér mælið, mun yður mælt verða.

Biblían (1981)

² Því að með þeim dómi, sem þér dæmið, munuð þér dæmdir, og með þeim mæli, sem þér mælið, mun yður mælt verða.

Matteusarguðspjall 7:2 ပူးပေါင်းရင်းမြစ်များ

Síðari Samúelsbók 21:5

Þá sögðu þeir við konunginn: „Framseldu okkur sjö niðja þess manns sem ætlaði að tortíma okkur og hafði ákveðið að afmá okkur svo að enginn okkar yrði eftir í landi Ísraels. Við ætlum að taka þá af lífi handa Drottni í Gíbea, borg Sáls, hins útvalda Drottins.“ Konungurinn svaraði: „Ég skal selja ykkur þá í hendur.“

Sálmarnir 109:17

Hann hafði ánægju af bölbænum, þær bitni á honum sjálfum, blessun gladdi hann ekki, hún sé honum fjarri.

Önnur Mósebók 21:24

auga fyrir auga, tönn fyrir tönn, fót fyrir fót,

Jesaja 33:1

Vei þér, eyðandi, sem sjálfum hefur ekki verið eytt, vei þér, svikari, sem enginn hefur svikið. Þegar þú hefur lokið við að eyða verður þér eytt og þegar þú hættir að svíkja verður þú sjálfur svikinn.

Jeremía 34:17

Því segir Drottinn: Þér hafið ekki hlýtt mér. Enginn yðar hefur lýst því yfir að hann leysi ættbróður sinn og landa úr ánauð. Ég boða yður lausn, segir Drottinn, lausn með sverði, drepsótt og hungri. Ég geri yður skelfilega í augum allra konungsríkja jarðar.

Jeremía 51:24

Nú endurgeld ég Babýlon og öllum íbúum Kaldeu frammi fyrir yður öll þau níðingsverk sem þeir unnu gegn Síon, segir Drottinn.

Óbadía 1:15

Dagur Drottins vofir yfir öllum þjóðum. Eins og þú breyttir við aðra, þannig verður breytt við þig. Verk þín munu koma sjálfum þér í koll.

Matteusarguðspjall 6:14

Ef þér fyrirgefið mönnum misgjörðir þeirra þá mun og faðir yðar himneskur fyrirgefa yður.

Markúsarguðspjall 4:24

Enn sagði hann við þá: „Gætið að hvað þið heyrið. Með þeim mæli, sem þið mælið, mun ykkur mælt verða og við ykkur bætt.

Lúkasarguðspjall 6:38

Gefið og yður mun gefið verða. Góður mælir, troðinn, skekinn, fleytifullur mun lagður í skaut yðar. Því með þeim mæli, sem þér mælið, mun yður aftur mælt verða.“

Síðara Korintubréf 9:6

En þetta segi ég: Sá sem sáir sparlega mun og sparlega uppskera og sá sem sáir ríflega mun og ríflega uppskera.

Jakobsbréfið 2:13

Því að þeim sem ekki auðsýndi miskunn verður ekki sýnd nein miskunn í dóminum. Í dóminum má miskunnsemin sín mest.

Opinberunarbókin 18:6

Komið fram við hana eins og hún hefur komið fram við yður og látið hana fá tvöfalt fyrir það sem hún hefur gert. Byrlið henni tvöfalt í bikarinn sem hún hefur byrlað yður í.

Dómarabókin 1:7

Þá mælti Adóní Besek: „Af sjötíu konungum voru höggnir þumalfingur og stórutær og urðu þeir að tína upp mola við borð mitt. Eins og ég hef gert, þannig geldur Guð mér.“ Fóru þeir síðan með hann til Jerúsalem og þar dó hann.

Dómarabókin 5:27

Hann hné niður fyrir fætur henni, féll út af og lá þar. Hann hné niður fyrir fætur henni, leið út af og þar sem hann hné niður lá hann lífvana.

Fyrri Samúelsbók 15:33

En Samúel sagði: „Eins og sverð þitt hefur gert konur barnlausar skal móðir þín nú verða barnlaus.“ Því næst hjó Samúel Agag niður frammi fyrir augliti Drottins í Gilgal.