Lúkasarguðspjall 2:9 - Biblían (2007)

⁹ Og engill Drottins stóð hjá þeim og dýrð Drottins ljómaði kringum þá. Þeir urðu mjög hræddir

Biblían (1981)

⁹ Og engill Drottins stóð hjá þeim, og dýrð Drottins ljómaði kringum þá. Þeir urðu mjög hræddir,

Lúkasarguðspjall 2:9 ပူးပေါင်းရင်းမြစ်များ

Fyrri konungabók 8:11

Gátu prestarnir ekki gegnt þjónustu sinni fyrir skýinu því að dýrð Drottins fyllti musteri Drottins.

Önnur Mósebók 16:10

Á meðan Aron talaði til alls safnaðar Ísraelsmanna sneru þeir sér í áttina að eyðimörkinni. Þá birtist þeim skyndilega dýrð Drottins í skýi.

Önnur Mósebók 16:7

og á morgun fáið þið að sjá dýrð Drottins af því að hann hefur hlustað á mögl ykkar gegn Drottni. En hverjir erum við úr því að þið möglið gegn okkur?“

Jesaja 35:2

Eins og dverglilja skal hún blómgast, gleðjast, gleðjast og fagna. Vegsemd Líbanons veitist henni, skart Karmels og Sarons. Menn munu sjá dýrð Drottins og vegsemd Guðs vors.

Jesaja 40:5

Þá mun dýrð Drottins birtast og allt hold sjá það samtímis því að Drottinn hefur boðað það.“

Jesaja 60:1

Statt upp, skín þú, því að ljós þitt kemur og dýrð Drottins rennur upp yfir þér.

Esekíel 3:23

„Rístu á fætur og farðu út á sléttuna, þar mun ég tala við þig.“ Ég reis á fætur og fór út á sléttuna. Þar var dýrð Drottins. Hún stóð þar eins og dýrðin sem ég hafði séð við Kebarfljót og ég féll fram á ásjónu mína.

Matteusarguðspjall 1:20

Hann hafði ráðið þetta með sér en þá vitraðist honum engill Drottins í draumi og sagði: „Jósef, sonur Davíðs, óttast þú ekki að taka til þín Maríu, heitkonu þína. Barnið, sem hún gengur með, er af heilögum anda.

Lúkasarguðspjall 1:28

Og engillinn kom inn til hennar og sagði: „Heil vert þú sem nýtur náðar Guðs! Drottinn er með þér.“

Lúkasarguðspjall 2:8

En í sömu byggð voru hirðar úti í haga og gættu um nóttina hjarðar sinnar.

Lúkasarguðspjall 24:4

Þær skildu ekkert í þessu en þá brá svo við að hjá þeim stóðu tveir menn í leiftrandi klæðum.

Jóhannesarguðspjall 12:41

Jesaja sagði þetta af því að hann sá dýrð Jesú og talaði um hann.

Postulasagan 12:7

Allt í einu stóð engill Drottins hjá honum og ljós skein í klefanum. Laust hann á síðu Pétri, vakti hann og mælti: „Rís upp skjótt!“ Og fjötrarnir féllu af höndum hans.

Postulasagan 27:23

Því að á þessari nóttu stóð hjá mér engill þess Guðs sem ég heyri til og þjóna og mælti:

Postulasagan 5:19

En engill Drottins opnaði um nóttina dyr fangelsisins, leiddi þá út og sagði:

Síðara Korintubréf 3:18

En við sjáum öll með óhjúpuðu andliti dýrð Guðs endurspeglast í Kristi og andi hans lætur okkur umbreytast eftir þeirri sömu mynd til enn meiri dýrðar.

Síðara Korintubréf 4:6

Því að Guð sem sagði: „Ljós skal skína fram úr myrkri!“ lét það skína í hjarta mitt til þess að birtu legði af þekkingunni á dýrð Guðs eins og hún skín frá ásjónu Jesú Krists.

Fyrra Tímóteusarbréf 3:16

Og víst er leyndardómur trúarinnar mikill: Hann birtist í manni, sannaðist í anda, opinber englum, var boðaður þjóðum, trúað í heimi, hafinn upp í dýrð.

Hebreabréfið 12:21

Svo ógurlegt var það sem fyrir augu bar að Móse sagði: „Ég er mjög hræddur og skelfdur.“

Opinberunarbókin 18:1

Eftir þetta sá ég annan engil stíga ofan af himni og hafði hann mikið vald og jörðin ljómaði af dýrð hans.

Opinberunarbókin 20:11

Og ég sá mikið hvítt hásæti og þann sem í því sat. Frá augliti hans flúðu himinn og jörð en fundu engan stað.