Jóel 3:1 - Biblían (2007)

¹ Síðar mun ég úthella anda mínum yfir alla menn. Synir yðar og dætur munu spá, gamalmenni yðar mun dreyma drauma og ungmenni yðar munu fá vitranir,

Biblían (1981)

¹ En síðar meir mun ég úthella anda mínum yfir allt hold. Synir yðar og dætur yðar munu spá, gamalmenni yðar mun drauma dreyma, ungmenni yðar munu sjá sjónir.

Jóel 3:1 ပူးပေါင်းရင်းမြစ်များ

Sálmarnir 14:7

Ó, að Ísrael berist hjálp frá Síon. Þegar Drottinn snýr við hag lýðs síns mun Jakob fagna, Ísrael gleðjast.

Sálmarnir 85:1

Til söngstjórans. Kóraítasálmur.

Orðskviðirnir 1:23

Látið skipast við umvöndun mína, ég læt anda minn streyma yfir yður og kunngjöri yður orð mín.

Jesaja 44:3

því að ég helli vatni yfir hið þyrsta land og veiti ám um þurrlendið. Ég úthelli anda mínum yfir niðja þína og blessun minni yfir börn þín.

Jeremía 16:15

heldur verður sagt: „Svo sannarlega sem Drottinn lifir sem leiddi Ísraelsmenn frá landinu í norðri og öllum öðrum löndum sem hann hafði hrakið þá til.“ Ég flyt þá aftur til heimalands síns sem ég gaf feðrum þeirra.

Jeremía 29:14

læt ég yður finna mig, segir Drottinn. Ég mun snúa við högum yðar og safna yður saman frá öllum þeim þjóðum og stöðum sem ég hef hrakið yður til, segir Drottinn. Ég mun flytja yður aftur til þess staðar sem ég gerði yður útlæga frá.

Jeremía 30:18

Svo segir Drottinn: Ég sný við högum Jakobs tjalda og sýni bústöðum hans miskunn. Borgin skal endurreist á rústunum og höllin standa þar sem hún hefur alltaf staðið.

Jeremía 30:3

Því að þeir dagar koma, segir Drottinn, að ég sný við hag þjóðar minnar, Ísraels og Júda, segir Drottinn. Ég mun leiða þá aftur til landsins sem ég fékk feðrum þeirra og þeir tóku til eignar.

Esekíel 16:53

En ég mun snúa högum þeirra, högum Sódómu og dætra hennar og högum Samaríu og dætra hennar og högum þínum sem ert á milli þeirra

Esekíel 39:25

Þess vegna segir Drottinn Guð svo: Nú sný ég högum Jakobs og sýni öllum Ísraelsmönnum miskunn og ég er fullur af ákafri afbrýði vegna míns heilaga nafns.

Daníel 12:1

Mikael, leiðtoginn mikli, sem verndar syni þjóðar þinnar, mun þá birtast. Verða þá slíkir hörmungatímar að eigi verður við jafnað frá því að þjóðin varð til. Á þeim tíma mun þjóð þín bjargast, allir þeir sem skráðir eru í bókinni.

Amos 9:14

Þá mun ég snúa við högum þjóðar minnar, Ísraels. Þeir munu endurreisa hinar eyddu borgir og búa í þeim, þeir munu planta víngarða og drekka vín úr þeim, gera aldingarða og neyta ávaxta þeirra.

Fjórða Mósebók 11:29

Þá sagði Móse við hann: „Ertu afbrýðisamur mín vegna? Ég vildi að öll þjóð Drottins væri spámenn og að Drottinn legði anda sinn yfir hana.“

Fjórða Mósebók 12:6

og hann sagði: Hlýðið á orð mín. Sé spámaður meðal yðar birtist ég honum í sýn, tala við hann í draumi.

Fimmta Mósebók 30:3

þá mun Drottinn, Guð þinn, snúa við högum þínum. Hann mun sýna þér miskunn og safna þér saman frá öllum þeim þjóðum sem Drottinn, Guð þinn, hafði dreift þér á meðal.