Jeremía 7:6 - Biblían (2007)

⁶ kúgið ekki aðkomumenn, munaðarleysingja og ekkjur, úthellið ekki saklausu blóði á þessum stað og eltið ekki aðra guði yður til tjóns,

Biblían (1981)

⁶ undirokið ekki útlendinga, munaðarleysingja og ekkjur, og úthellið ekki saklausu blóði á þessum stað, og eltið ekki aðra guði, yður til tjóns,

Jeremía 7:6 ပူးပေါင်းရင်းမြစ်များ

Jeremía 13:10

Þessi illa þjóð neitar að hlýða á boð mín. Þeir fylgja þrjósku eigin hjarta og elta framandi guði, þjóna þeim og dýrka. Því fer fyrir þeim eins og þessu belti sem er með öllu ónothæft.

Fimmta Mósebók 8:19

En ef þú gleymir Drottni, Guði þínum, fylgir öðrum guðum, þjónar þeim og tilbiður, þá votta ég í dag að ykkur mun gereytt

Fimmta Mósebók 11:28

en bölvunina ef þið hlýðið ekki boðum Drottins, Guðs ykkar, og víkið af veginum sem ég legg fyrir ykkur að ganga og fylgið öðrum guðum sem þið hafið ekki áður þekkt.

Jeremía 2:34

Á klæðafaldi þínum má jafnvel finna blóð úr fátæklingum, saklausum mönnum sem þú stóðst þó ekki að innbroti. Þrátt fyrir allt þetta

Jakobsbréfið 1:27

Hrein og flekklaus guðrækni fyrir Guði föður er að vitja munaðarlausra og ekkna í þrengingum þeirra og varðveita sjálfan sig óflekkaðan af heiminum.

Malakí 3:5

Ég mun koma til ykkar og halda dómþing. Ég kem brátt og vitna gegn galdramönnum, hórkörlum og meinsærismönnum, gegn öllum sem halda launum fyrir daglaunamönnum, kúga ekkjur og munaðarleysingja og þjaka aðkomumenn og óttast mig ekki, segir Drottinn hersveitanna.

Jeremía 19:4

Þetta geri ég af því að þér hafið svikið mig og gert mér þennan stað framandi með því að færa þar reykelsisfórnir öðrum guðum sem hvorki þér sjálfir, feður yðar né Júdakonungar höfðu áður þekkt. Þeir hafa fyllt þennan stað af saklausu blóði.

Jesaja 59:7

Fætur þeirra eru skjótir til ills, fljótir til að úthella saklausu blóði. Hugsanir þeirra eru illar, eyðing og tortíming er á vegum þeirra.

Fimmta Mósebók 27:19

Bölvaður er sá sem hallar rétti aðkomumanns, munaðarleysingja eða ekkju. Allt fólkið skal segja: Amen.

Fimmta Mósebók 24:17

Þú skalt ekki halla rétti aðkomumanns eða munaðarleysingja og þú skalt ekki taka fatnað ekkju að veði.

Matteusarguðspjall 27:25

Og allur lýðurinn sagði: „Komi blóð hans yfir okkur og yfir börn okkar!“

Matteusarguðspjall 27:4

og mælti: „Ég drýgði synd, ég sveik saklaust blóð.“ Þeir sögðu: „Hvað varðar okkur um það? Það er þitt að sjá fyrir því.“

Esekíel 18:6

Hann heldur ekki fórnarmáltíð á fjöllum og hefur ekki upp augu sín til skurðgoða Ísraelsmanna, hann svívirðir ekki eiginkonu náunga síns og leggst ekki með konu sem hefur á klæðum,

Harmljóðin 4:13

Það var sökum synda spámanna hennar og misgjörða presta hennar sem úthelltu í borginni blóði réttlátra.

Jeremía 26:23

Þeir sóttu Úría til Egyptalands og fóru með hann til Jójakíms konungs. Hann lét taka hann af lífi með sverði og henda líki hans á grafir múgamanna.

Jeremía 26:15

En það skuluð þér vita fyrir víst að líflátið þér mig látið þér saklaust blóð koma yfir sjálfa yður, þessa borg og íbúa hennar. Drottinn hefur í sannleika sent mig til yðar til þess að flytja yður þessa ræðu.“

Jeremía 7:5

Nei, ef þér gerbreytið háttum yðar og verkum, ef þér sýnið sanngirni í deilum manna á meðal,

Jeremía 2:30

Til einskis hirti ég syni yðar, þeir létu sér ekki segjast. Eins og glefsandi ljón tortímdu sverð yðar spámönnunum.

Sálmarnir 106:38

úthelltu saklausu blóði, blóði sona sinna og dætra sem þeir fórnuðu goðum Kanaans svo að landið vanhelgaðist af blóðinu.

Síðari konungabók 24:4

einkum vegna hins saklausa blóðs sem hann hafði úthellt. Hann fyllti Jerúsalem af saklausu blóði og það vildi Drottinn ekki fyrirgefa.

Síðari konungabók 21:6

Hann lét son sinn ganga gegnum eld, stundaði galdur og spákukl og réð sér miðil og spásagnamann. Hann aðhafðist margt sem illt var í augum Drottins og vakti reiði hans.

Þriðja Mósebók 25:17

Enginn má hafa neitt af landa sínum. Þú skalt virða Guð þinn, ég er Drottinn, Guð ykkar.

Jeremía 5:28

feit og sælleg. Þau styðja málstað illmenna, kveða eigi upp rétta dóma í þágu munaðarleysingja svo að þeim farnist vel og reka eigi réttar fátæklinga.

Jeremía 7:9

Þegar þér hafið stolið, myrt, drýgt hór, svarið meinsæri, fórnað til Baals og elt aðra guði sem þér hafið ekki þekkt fyrr,

Jeremía 35:15

Ég hef hvað eftir annað sent yður þjóna mína, spámennina, til að boða: Snúið yður, hver af sínum vonda vegi, og bætið breytni yðar. Eltið ekki aðra guði til að þjóna þeim. Þá munuð þér búa áfram í landinu sem ég gaf feðrum yðar. En þér lögðuð ekki við hlustir og hlýdduð mér ekki.

Esekíel 22:7

Faðir og móðir eru fyrirlitin í þér og þeir sem leita hælis beittir ofbeldi innan múra þinna, ekkjan og munaðarleysinginn kúguð í þér.

Þriðja Mósebók 19:33

Þegar aðkomumaður dvelur hjá ykkur skuluð þið ekki sýna ójöfnuð.

Orðskviðirnir 23:10

Færðu ekki úr stað landamerki ekkjunnar og gakktu ekki inn á akra munaðarleysingjanna