Jeremía 5:1 - Biblían (2007)

¹ Gangið um stræti Jerúsalem, litist um, spyrjist fyrir, leitið á torgunum hvort nokkur finnist, hvort þar sé aðeins einn sem stundar réttlæti og leitar sannleikans, og þá mun ég fyrirgefa borginni, segir Drottinn.

Biblían (1981)

¹ Gangið fram og aftur um stræti Jerúsalem, litist um og rannsakið og leitið á torgunum, hvort þér finnið nokkurn mann, hvort þar sé nokkur, sem gjörir það sem rétt er og leitast við að sýna trúmennsku, og mun ég fyrirgefa henni.

Jeremía 5:1 ပူးပေါင်းရင်းမြစ်များ

Esekíel 22:30

Ég leitaði að einhverjum þeirra á meðal sem vildi reisa varnarvegg eða taka sér stöðu andspænis mér, í skarðinu í múrnum, landinu til varnar svo að ég þyrfti ekki að eyða því. En ég fann engan.

Síðari kroníkubók 16:9

Því að augu Drottins skima um alla jörðina til þess að geta komið þeim til hjálpar sem eru heils hugar við hann. Þú hefur breytt heimskulega í þessu máli, þess vegna muntu eiga í ófriði héðan í frá.“

Jesaja 59:4

Enginn kærir vegna rétts málstaðar og enginn fer í mál af heilindum, menn treysta fánýti og fara með þvaður, ganga með fals og fæða illgjörðir.

Sálmarnir 14:3

Allir hafa þeir vikið af leið, allir eru spilltir, enginn gerir það sem gott er, ekki neinn.

Orðskviðirnir 20:6

Margir láta vingjarnlega en tryggan vin, hver finnur hann?

Sálmarnir 12:1

Til söngstjórans. Á áttstrengjað hljóðfæri. Davíðssálmur.

Síðara Þessaloníkubréf 2:10

og alls konar ranglætisvélum sem blekkja þau sem eru á glötunarleið. Þau glatast af því að þau vildu ekki þiggja kærleikann til sannleikans svo að þau mættu verða hólpin.

Lúkasarguðspjall 14:21

Þjónninn kom og tjáði herra sínum þetta. Þá reiddist húsbóndinn og sagði við þjón sinn: Far þú fljótt út á stræti og götur borgarinnar og leið inn hingað fátæka, örkumla, blinda og halta.

Sakaría 2:4

„Hvað ætlast þeir fyrir?“ spurði ég. Hann svaraði: „Þetta eru hornin sem tvístruðu Júda svo að enginn gat borið höfuðið hátt. En þeir eru komnir til að skelfa þau og höggva burt horn þeirra þjóða sem lyftu hornum sínum gegn Júdalandi til að tvístra því.“

Amos 8:12

Þá munu menn reika frá einu hafi til annars, flakka frá norðri til austurs og leita að orði Drottins en þeir munu ekki finna það.

Jóel 2:9

Þeir ráðast á borgina, þjóta um borgarmúrinn, klifra upp húsin, fara inn um gluggana eins og þjófar.

Daníel 12:4

En leyndu þessum orðum, Daníel, og innsiglaðu bókina þar til dregur að endalokum. Menn munu leita víða og skilningur þeirra mun aukast.“

Ljóðaljóðin 3:2

Ég fer á fætur og geng um borgina, um stræti og torg. Ég leita hans sem sál mín elskar. Ég leita hans en finn hann ekki.

Orðskviðirnir 23:23

Kauptu sannleika, og seldu hann ekki, visku, fræðslu og skilning.

Orðskviðirnir 8:3

við hliðin út úr borginni, þar sem gengið er inn, kallar hún hástöfum:

Fyrri konungabók 19:10

Hann svaraði: „Af brennandi ákafa hef ég lagt mig fram vegna málefnis Drottins, Guðs hersveitanna, því að Ísraelsmenn hafa snúið frá sáttmálanum við þig. Þeir hafa rifið niður ölturu þín og drepið spámenn þína með sverði. Ég er einn eftir og nú sitja þeir um líf mitt.“

Jeremía 2:29

Hvers vegna ákærið þér mig? Þér hafið allir brugðist mér, segir Drottinn.

Jeremía 44:15

Allir karlmenn, sem vissu að konur þeirra kveiktu fórnareld fyrir framandi guðum, og allar konurnar, sem stóðu þarna í stórum hóp, og allir sem bjuggu í Egyptalandi og Patros svöruðu Jeremía og sögðu:

Sálmarnir 14:2

Drottinn horfir á mennina af himnum ofan til þess að sjá hvort nokkur sé hygginn, nokkur sem leiti Guðs.

Sálmarnir 94:16

Hver mun rísa gegn guðlausum mín vegna, hver standa með mér gegn illgjörðamönnum?

Jeremía 8:6

Ég lagði við hlustir og heyrði: Þeir fara með lygi, enginn iðrast illsku sinnar og spyr: Hvað hef ég gert? Allir æða áfram, hver sína leið eins og hestur sem ryðst fram í orrustu.

Jeremía 9:2

Þeir spenna tunguna eins og boga, þeir halda völdum í landinu með lygi, ekki með sannleika. Þeir ganga frá einu illvirki til annars en mig þekkja þeir ekki, segir Drottinn.

Jeremía 9:7

Tunga þeirra er banvæn ör, munnur þeirra fer með blekkingar. Þeir heilsa kunningjum sínum vinsamlega en í hjarta sínu sitja þeir á svikráðum við þá.

Esekíel 9:9

Hann sagði við mig: „Synd Ísraels og Júda er afar mikil. Landið er orðið fullt af blóðsekt og borgin full af ranglæti því að íbúarnir segja: Drottinn hefur yfirgefið landið svo að Drottinn sér ekkert.