Harmljóðin 1:3 - Biblían (2007)

³ Eftir neyð og þunga ánauð er Júda útlægur orðinn. Hann dvelst meðal heiðingjanna og finnur engan hvíldarstað. Allir ofsækjendur hans eltu hann uppi í þrengingum hans.

Biblían (1981)

³ Júda hefir flúið land fyrir eymd og fyrir mikilli ánauð. Hann býr meðal heiðingjanna, finnur engan hvíldarstað. Allir ofsækjendur hans náðu honum í þrengslunum.

Harmljóðin 1:3 ပူးပေါင်းရင်းမြစ်များ

Síðari konungabók 25:11

Nebúsaradan, foringi lífvarðarins, flutti þá sem eftir voru í borginni til Babýloníu, sem og liðhlaupana sem gengið höfðu Babýloníukonungi á hönd og þá sem eftir voru af handverksmönnunum.

Síðari konungabók 25:21

Konungur lét höggva þá til bana í Ribla í Hamathéraði. Þannig voru íbúar Júda fluttir í útlegð úr landi sínu.

Síðari konungabók 25:4

var borgarmúrinn rofinn. Um nóttina flýðu allir vopnfærir menn gegnum hliðið milli múranna tveggja gegnt garði konungs. Tókst þeim og konungi að flýja, þó að Kaldear umkringdu borgina, og héldu í átt til Arabasléttunnar.

Síðari konungabók 25:5

En hermenn Kaldea veittu konungi eftirför og náðu honum á Jeríkósléttunni. Þá hafði allur her hans yfirgefið hann og tvístrast.

Jeremía 13:19

Borgirnar í Suðurlandinu eru lokaðar og enginn opnar þær. Allir Júdamenn verða fluttir í útlegð, allir með tölu.

Jeremía 16:16

Ég sendi menn eftir mörgum fiskimönnum, segir Drottinn, þeir eiga að veiða þá. Því næst sendi ég eftir mörgum veiðimönnum. Þeir eiga að veiða þá á hverju fjalli og á hverri hæð og í klettaskorunum.

Jeremía 24:9

Ég geri þá öllum konungsríkjum jarðar að ógnvekjandi viðurstyggð, læt þá verða fyrir háði og spotti, gysi og formælingum, hvert sem ég hrek þá.

Jeremía 39:9

Nebúsaradan, foringi lífvarðarins, flutti þá sem eftir voru í borginni í útlegð til Babýlonar ásamt liðhlaupunum, sem höfðu leitað til hans, og öðrum sem eftir voru.

Jeremía 52:15

Nebúsaradan lífvarðarforingi flutti í útlegð þá sem eftir voru í borginni ásamt liðhlaupunum sem gengið höfðu konungi Babýlonar á hönd og þá sem eftir voru af handverksmönnunum.

Jeremía 52:8

En hermenn Kaldea veittu konungi eftirför og náðu honum á Jeríkósléttunni. Þá hafði allur her hans yfirgefið hann og tvístrast.

Harmljóðin 2:9

Hlið hennar eru sokkin í jörðu, hann ónýtti og braut slagbranda hennar. Konungur hennar og ráðamenn eru meðal heiðingjanna, án leiðsagnar, og spámenn hennar fá engar vitranir frá Drottni.

Harmljóðin 4:15

„Víkið úr vegi, hann er óhreinn,“ hrópuðu menn að þeim, „víkið úr vegi, víkið úr vegi, snertið hann eigi!“ Þegar þeir flýja og flakka um er sagt meðal heiðingjanna: „Hér skulu þeir eigi dveljast lengur.“

Harmljóðin 5:5

Ofsækjendur eru á hælum vorum, örþreytt fáum vér enga hvíld.

Esekíel 5:12

Þriðjungur íbúa þinna skal farast úr drepsótt og verða hungurmorða í þér, þriðjungur skal falla fyrir sverði umhverfis þig og þriðjungi mun ég dreifa í allar áttir og elta þá með brugðnum brandi.

Fimmta Mósebók 28:48

verður þú að þjóna fjandmönnum þínum sem Drottinn sendir gegn þér. Þú mátt þola hungur, þorsta og klæðleysi og fara alls á mis. Drottinn leggur járnok á háls þér uns hann hefur gereytt þér.