Fyrra Korintubréf 15:3 - Biblían (2007)

³ Því það kenndi ég ykkur fyrst og fremst, sem ég einnig hef meðtekið, að Kristur dó vegna synda okkar samkvæmt ritningunum,

Biblían (1981)

³ Því það kenndi ég yður fyrst og fremst, sem ég einnig hef meðtekið, að Kristur dó vegna vorra synda samkvæmt ritningunum,

Fyrra Korintubréf 15:3 ပူးပေါင်းရင်းမြစ်များ

Fyrra Pétursbréf 2:24

Hann bar sjálfur syndir okkar á líkama sínum upp á tréð, til þess að við skyldum deyja frá syndunum og lifa réttlætinu. Fyrir hans benjar eruð þið læknuð.

Galatabréfið 1:4

sem gaf sjálfan sig fyrir syndir okkar til þess að frelsa okkur frá hinni yfirstandandi vondu öld samkvæmt vilja Guðs vors og föður.

Fyrsta Jóhannesarbréf 2:2

Hann er friðþæging fyrir syndir okkar og ekki einungis fyrir syndir okkar heldur líka fyrir syndir alls heimsins.

Galatabréfið 1:12

Ekki hef ég tekið við því af manni né látið kenna mér það heldur hefur Jesús Kristur opinberað mér það.

Opinberunarbókin 1:5

og frá Jesú Kristi sem er votturinn trúi, frumburður upprisunnar frá dauðum, höfðinginn yfir konungum jarðar. Hann elskar oss og leysti oss frá syndum vorum með blóði sínu.

Rómverjabréfið 4:25

hann sem var framseldur vegna misgjörða okkar og upp vakinn okkur til réttlætingar.

Sakaría 13:7

Sverð, hef þig á loft gegn hirði mínum, manninum sem gætir hjarðar minnar, segir Drottinn allsherjar. Bana hirðinum og hjörðin mun tvístrast en ég mun annast hið smáa.

Esekíel 3:17

„Mannssonur, ég hef gert þig að verði Ísraelsmanna. Þegar þú heyrir orð af munni mínum átt þú að vara þá við í mínu nafni.

Efesusbréfið 5:2

Lifið í kærleika eins og Kristur elskaði okkur og lagði sjálfan sig í sölurnar fyrir okkur svo sem fórnargjöf, Guði til þægilegs ilms.

Síðara Korintubréf 5:21

Guð dæmdi Krist, sem þekkti ekki synd, sekan í okkar stað til þess að hann gerði okkur réttlát í Guðs augum.

Fyrra Korintubréf 11:23

Því að ég hef meðtekið frá Drottni það sem ég hef kennt ykkur: Nóttina, sem Drottinn Jesús var svikinn, tók hann brauð,

Postulasagan 3:18

En Guð lét þannig rætast það sem hann hafði látið alla spámennina boða, að Kristur hans skyldi líða.

Jóhannesarguðspjall 1:29

Daginn eftir sér Jóhannes Jesú koma til sín og segir: „Sjá, Guðs lamb sem ber synd heimsins.

Fyrra Pétursbréf 1:11

Þeir rannsökuðu til hvers eða hvílíks tíma andi Krists, sem í þeim bjó, benti þá er hann vitnaði fyrir fram um píslir Krists og dýrðina þar á eftir.

Efesusbréfið 1:7

Í honum, fyrir hans blóð, eigum vér endurlausnina og fyrirgefningu afbrota vorra.

Galatabréfið 3:13

Kristur keypti okkur undan bölvun lögmálsins með því að taka á sig bölvun þess fyrir okkur því að ritað er: „Bölvaður er hver sá sem á tré hangir.“

Rómverjabréfið 3:25

Guð bendir á blóð hans sem sáttarfórn þeim sem trúa. Þannig sýnir hann réttlæti sitt. Hann hafði umborið þær syndir sem áður voru drýgðar

Matteusarguðspjall 26:28

Þetta er blóð mitt, blóð sáttmálans, úthellt fyrir marga til fyrirgefningar synda.

Fyrra Pétursbréf 3:18

Kristur dó fyrir syndir í eitt skipti fyrir öll, réttlátur fyrir rangláta, til þess að geta leitt ykkur til Guðs. Hann var deyddur að líkamanum til en lifandi ger í anda.

Hebreabréfið 5:3

Og sökum þess á hann að bera fram syndafórn, eigi síður fyrir sjálfan sig en fyrir lýðinn.

Hebreabréfið 5:1

Sérhver æðsti prestur er tekinn úr flokki manna og settur í þágu manna til að þjóna frammi fyrir Guði og bera fram gáfur og fórnir fyrir syndir.

Fyrra Korintubréf 11:2

Ég hrósa ykkur fyrir það að þið í öllu minnist mín og haldið fast við kenningarnar eins og ég flutti ykkur þær.

Fyrsta Mósebók 3:15

Ég set fjandskap milli þín og konunnar og milli þíns niðja og hennar niðja. Hann skal merja höfuð þitt og þú skalt höggva hann í hælinn.

Matteusarguðspjall 26:24

Mannssonurinn fer að sönnu héðan svo sem um hann er ritað en vei þeim manni sem því veldur að Mannssonurinn verður framseldur. Betra væri þeim manni að hafa aldrei fæðst.“

Lúkasarguðspjall 24:25

Þá sagði hann við þá: „Skilningslausu menn, svo tregir til að trúa því öllu sem spámennirnir hafa sagt fyrir um!

Postulasagan 8:32

En orð þeirrar ritningar, sem hann var að lesa, voru þessi: Eins og sauður sem leiddur er til slátrunar, eða eins og lamb sem þegir fyrir þeim er rýja það, svo lauk hann ekki upp munni sínum.

Postulasagan 17:2

Eftir venju sinni gekk Páll inn til þeirra og þrjá hvíldardaga ræddi hann við þá og lagði út af ritningunum,