Efesusbréfið 2:3 - Biblían (2007)

³ Eins lifðum við öll fyrrum, lutum jarðbundnum girndum, gerðum það sem okkur lysti og refsidómur Guðs vofði yfir okkur eins og öðrum mönnum.

Biblían (1981)

³ Vér lifðum fyrrum allir eins og þeir í mannlegum girndum vorum. Þá lutum vér vilja holdsins og hugsana vorra og vorum að eðli til reiðinnar börn alveg eins og hinir.

Efesusbréfið 2:3 ပူးပေါင်းရင်းမြစ်များ

Fyrsta Mósebók 5:3

Adam var hundrað og þrjátíu ára er hann gat son líkan sér, eftir sinni mynd, og nefndi hann Set.

Fyrsta Mósebók 6:5

Drottinn sá nú að illska mannanna var mikil orðin á jörðinni og að allar hneigðir þeirra og langanir snerust ætíð til ills.

Fyrsta Mósebók 8:21

Og Drottinn fann sætan ilm og sagði í hjarta sínu: „Eigi mun ég framar leiða bölvun yfir jörðina vegna mannsins þótt hneigðir mannsins séu illar, allt frá æsku hans, og upp frá þessu mun ég ekki framar gereyða því sem lifir eins og ég hef gert.

Jobsbók 14:4

Hver getur leitt hreint af óhreinu? Ekki nokkur maður.

Jobsbók 25:4

Hvernig gæti dauðlegur maður haft rétt fyrir sér frammi fyrir Guði og hvernig gæti maður, fæddur af konu, verið hreinn?

Sálmarnir 51:5

Ég þekki sjálfur afbrot mín og synd mín stendur mér stöðugt fyrir hugskotssjónum.

Jesaja 53:6

Vér fórum allir villir vegar sem sauðir, héldum hver sína leið en Drottinn lét synd vor allra koma niður á honum.

Markúsarguðspjall 4:19

en áhyggjur heimsins, tál auðæfanna og aðrar girndir koma til og kefja orðið svo það ber engan ávöxt.

Jóhannesarguðspjall 1:13

Þau urðu ekki til á náttúrulegan hátt né af vilja manns heldur eru þau af Guði fædd.

Jóhannesarguðspjall 8:44

Þér eigið djöfulinn að föður og viljið gera það sem faðir yðar girnist. Hann var manndrápari frá upphafi og hefur aldrei þekkt sannleikann því í honum finnst enginn sannleikur. Þegar hann lýgur fer hann að eðli sínu því hann er lygari og lyginnar faðir.

Postulasagan 14:16

Hann hefur um liðnar aldir leyft að sérhver þjóð gengi sína vegu.

Rómverjabréfið 1:24

Þess vegna hefur Guð látið fýsnir þeirra til saurlífis ná valdi yfir þeim svo að þeir svívirtu líkami sína hver með öðrum.

Rómverjabréfið 11:30

Þið voruð fyrrum óhlýðin Guði en hafið nú hlotið miskunn vegna óhlýðni þeirra.

Rómverjabréfið 2:14

Þegar heiðingjar, sem þekkja ekki lögmál Móse, gera það eftir eðlisboði sem lögmál Guðs býður, þá eru þeir sjálfum sér lögmál þótt þeir hafi ekki neitt lögmál.

Rómverjabréfið 5:10

Hafi Guð, þegar við vorum óvinir hans, tekið okkur í sátt með dauða sonar síns, mun hann því fremur nú, þegar hann hefur sætt okkur við sig, frelsa okkur með lífi hans.

Rómverjabréfið 5:9

Því fremur mun hann nú frelsa okkur frá reiðinni þar sem við erum réttlætt fyrir blóð Krists.

Rómverjabréfið 6:12

Látið því ekki syndina ríkja í dauðlegum líkama ykkar svo að þið hlýðnist girndum hans.

Rómverjabréfið 7:18

Ég veit að ekki býr neitt gott í mér, það er í spilltu eðli mínu. Að vilja veitist mér auðvelt en mig skortir alla getu til góðs.

Rómverjabréfið 9:22

Hafi Guð viljað sýna reiði sína og birta mátt sinn hefur hann samt af mikilli þolinmæði umborið þau ker sem vöktu reiði hans og áttu fyrir sér að fara forgörðum.

Fyrra Korintubréf 4:7

Því að hver gefur þér yfirburði? Og hvað hefur þú sem þú hefur ekki þegið? En hafir þú nú þegið það, hví stærir þú þig þá eins og þú hefðir ekki fengið það að gjöf?

Síðara Korintubréf 7:1

Þar eð við því höfum þessi fyrirheit, elskuð börn mín, þá hreinsum okkur af allri saurgun á líkama og sál og fullkomnum helgun okkar í guðsótta.

Galatabréfið 3:22

En Ritningin segir að allt sé hneppt undir vald syndarinnar til þess að trúuðum veitist fyrirheitið með því að treysta því sem Guð lét Jesú Krist gera.

Efesusbréfið 2:2

sem þið lifðuð í áður samkvæmt aldarhætti þessa heims að vilja valdhafans í loftinu, anda þess, sem nú verkar í þeim, sem ekki trúa.

Efesusbréfið 4:22

Þið eigið að hætta hinni fyrri breytni og afklæðast hinum gamla manni sem er spilltur af tælandi girndum

Kólossubréfið 1:21

Ykkur, sem voruð áður fráhverf Guði og óvinveitt í huga og vondum verkum,

Fyrra Þessaloníkubréf 4:13

Ekki vil ég, systkin, láta ykkur vera ókunnugt um þau sem sofnuð eru, til þess að þið séuð ekki hrygg eins og hin sem ekki eiga von.

Fyrra Þessaloníkubréf 5:6

Sofum því ekki eins og aðrir heldur vökum og verum allsgáð.

Fyrra Tímóteusarbréf 6:9

En þeir sem ríkir vilja verða falla í freistni og lenda í snöru alls kyns óviturlegra og skaðlegra fýsna er sökkva mönnunum niður í tortímingu og glötun.

Títusarbréfið 3:3

Því að þeir voru tímarnir að við vorum einnig óskynsöm, óhlýðin, villuráfandi, í ánauð hvers konar fýsna og lostasemda. Við ólum aldur okkar í illsku og öfund, vorum andstyggileg, hötuðum hvert annað.

Fyrra Pétursbréf 1:14

Verið eins og hlýðin börn og látið líferni ykkar ekki framar mótast af þeim girndum er þið áður létuð stjórnast af í vanvisku ykkar.

Síðara Pétursbréf 2:14

Augu þeirra eru full hórdóms og þeim verður ekki frá syndinni haldið. Þeir fleka óstyrkar sálir, hjarta þeirra hefur tamið sér ágirnd. Það er bölvun yfir þeim.

Síðara Pétursbréf 2:18

Þeir láta klingja innantóm diguryrði og tæla með holdlegum girndum og svívirðilegum lifnaði þá sem eru í þann veginn að sleppa frá þeim sem ganga í villu.

Fyrsta Jóhannesarbréf 2:16

Því að allt sem maðurinn girnist, allt sem glepur augað, allt oflæti vegna eigna, er ekki frá föðurnum heldur frá heiminum.

Fyrsta Jóhannesarbréf 2:8

Eigi að síður er það nýtt boðorð, er ég rita ykkur, og sannindi þess birtast í honum og í ykkur því að myrkrið er að hverfa og hið sanna ljós er þegar farið að skína.