Daníel 9:20 - Biblían (2007)

²⁰ Meðan ég talaði, baðst fyrir og játaði synd mína og synd þjóðar minnar, Ísraels, og bar bæn mína fram fyrir Drottin, Guð minn, fyrir hinu heilaga fjalli hans,

Biblían (1981)

²⁰ Meðan ég enn var að tala, baðst fyrir og játaði syndir mínar og syndir lýðs míns, Ísraels, og frambar fyrir Drottin Guð minn auðmjúka bæn fyrir hinu heilaga fjalli Guðs míns,

Daníel 9:20 ပူးပေါင်းရင်းမြစ်များ

Esrabók 10:1

Esra flutti bæn sína og játningu grátandi og liggjandi á hnjánum frammi fyrir húsi Guðs. Á meðan safnaðist að honum mjög mikill söfnuður Ísraelsmanna, karlar, konur og börn. Og fólkið grét hástöfum.

Nehemíabók 1:6

Leggðu við hlustir og hafðu augun opin og hlýddu á bæn mína, þjóns þíns. Frammi fyrir þér bið ég dag og nótt fyrir Ísraelsmönnum, þjónum þínum. Ég játa synd Ísraelsmanna frammi fyrir þér: Vér höfum syndgað gegn þér, ég sjálfur og fjölskylda mín höfum einnig syndgað.

Sálmarnir 145:18

Drottinn er nálægur öllum sem ákalla hann, öllum sem ákalla hann í einlægni.

Sálmarnir 32:5

Þá játaði ég synd mína fyrir þér og duldi ekki sekt mína en sagði: „Ég vil játa afbrot mín fyrir Drottni.“ Og þú afmáðir syndasekt mína. (Sela)

Prédikarinn 7:20

Enginn réttlátur maður er til á jörðinni sem gert hefur gott eitt og aldrei syndgað.

Jesaja 56:7

mun ég leiða til míns heilaga fjalls og gleðja þá í bænahúsi mínu. Brennifórnir þeirra og sláturfórnir munu þóknast mér á altari mínu því að hús mitt skal nefnast bænahús fyrir allar þjóðir.

Jesaja 58:9

Þá muntu kalla og Drottinn svara, biðja um hjálp og hann mun segja: „Hér er ég.“ Ef þú hættir allri undirokun þín á meðal, hættir hæðnisbendingum og rógi,

Jesaja 6:5

Þá sagði ég: „Vei mér, það er úti um mig því að ég er maður með óhreinar varir og bý meðal fólks með óhreinar varir en samt hafa augu mín séð konunginn, Drottin allsherjar.“

Jesaja 65:24

Áður en þeir hrópa mun ég svara og áður en þeir hafa orðinu sleppt mun ég bænheyra.

Daníel 10:12

En hann sagði við mig: „Óttastu ekki, Daníel, því að frá þeim degi sem þú fyrst ákvaðst að leita skilnings og auðmýkja þig fyrir Guði þínum hefur þú verið bænheyrður og vegna bænar þinnar er ég kominn.

Daníel 10:2

Á þeim tíma syrgði ég, Daníel, í þrjár vikur,

Daníel 11:45

Hann mun slá upp konungstjaldi sínu milli hafsins og hins fagra heilaga fjalls en þá mun hann mæta örlögum sínum og enginn verður til hjálpar.

Daníel 9:16

Ó, Drottinn, gerðu eins og sæmir þinni ríkulegu náð, snúðu heift þinni og reiði frá borg þinni Jerúsalem, þínu helga fjalli, því að vegna synda vorra og misgjörða feðra vorra er Jerúsalem og þjóð þín orðin að athlægi allra grannþjóða vorra.

Sakaría 8:3

Svo segir Drottinn: Ég sný aftur til Síonar og tek mér bólfestu í Jerúsalem. Og Jerúsalem verður nefnd borg sannleikans og fjall Drottins allsherjar fjallið helga.

Postulasagan 4:31

Þegar menn höfðu beðist fyrir hrærðist staðurinn þar sem þeir voru saman komnir og þeir fylltust allir heilögum anda og töluðu orð Guðs af djörfung.

Rómverjabréfið 3:23

Allir hafa syndgað og skortir Guðs dýrð

Jakobsbréfið 3:2

Öll hrösum við margvíslega. Hrasi einhver ekki í orði þá er hann maður fullkominn, fær um að hafa stjórn á öllum líkama sínum.

Opinberunarbókin 21:10

Og hann flutti mig í anda upp á mikið og hátt fjall og sýndi mér borgina helgu, Jerúsalem, sem steig niður af himni frá Guði.

Opinberunarbókin 21:2

Og ég sá borgina helgu, nýja Jerúsalem, stíga niður af himni frá Guði, búna sem brúði er skartar fyrir manni sínum.