Daníel 9:18 - Biblían (2007)

¹⁸ Leggðu við hlustir, Guð minn, og hlýddu á, ljúktu upp augum þínum og líttu umkomuleysi vort og borgarinnar sem við þig er kennd. Vér biðjum þig í auðmýkt, ekki vegna verðskuldunar vor sjálfra, heldur í trausti mikillar miskunnar þinnar.

Biblían (1981)

¹⁸ Hneig, Guð minn, eyra þitt og heyr, ljúk upp augum þínum og sjá eyðing vora og borgina, sem nefnd er eftir nafni þínu, því að ekki framberum vér auðmjúkar bænir fyrir þig í trausti til vors eigin réttlætis, heldur í trausti til þinnar miklu miskunnsemi.

Daníel 9:18 ပူးပေါင်းရင်းမြစ်များ

Fyrri konungabók 8:29

Lát augu þín vaka yfir þessu húsi dag og nótt, þeim stað sem þú hefur sagt um: Þar skal nafn mitt búa. Heyr bænina er þjónn þinn biður á þessum stað.

Síðari konungabók 19:16

Leggðu við eyru og heyr. Ljúktu upp augum, Drottinn, og líttu á. Hlýddu á skilaboð Sanheríbs sem hann sendi til þess að smána hinn lifandi Guð.

Sálmarnir 116:1

Ég elska Drottin af því að hann heyrir grátbeiðni mína.

Sálmarnir 25:6

Minnst þú, Drottinn, miskunnar þinnar og gæsku sem er frá eilífð.

Önnur Mósebók 3:7

Þá sagði Drottinn: „Ég hef séð eymd þjóðar minnar í Egyptalandi og heyrt kvein hennar undan þeim sem þrælka hana. Já, ég þekki þjáningu hennar.

Jesaja 37:17

Legg við hlustir og heyr. Ljúktu upp augum, Drottinn, og líttu á. Hlýddu á öll orðin sem Sanheríb sendi til að smána hinn lifandi Guð.

Jesaja 43:7

sérhvern þann sem við nafn mitt er kenndur, því að ég hef skapað hann mér til dýrðar, myndað hann og mótað.“

Jesaja 64:6

Enginn ákallar nafn þitt, hreyfir sig eða reynir að halda sér fast við þig því að þú huldir auglit þitt fyrir oss og ofurseldir oss vegna synda vorra.

Jeremía 14:7

Þó að syndir vorar vitni gegn oss, láttu samt til þín taka vegna nafns þíns, Drottinn. Svik vor eru margvísleg, vér höfum syndgað gegn þér.

Jeremía 14:9

Hvers vegna ertu eins og ruglaður maður, eins og hermaður sem ekki getur sigrað? Þú ert þó sjálfur á meðal vor, Drottinn, vér erum kenndir við þig, yfirgef oss ekki.

Jeremía 15:16

Þegar orð þín komu gleypti ég þau, orð þín urðu gleði mín. Hjarta mitt fagnaði því að ég er kenndur við þig, Drottinn, Guð hersveitanna.

Jeremía 25:29

Sjá, ég hefst þegar handa við að leiða ógæfu yfir borgina sem kennd er við mig. Ættuð þér þá að komast undan? Nei, þér komist ekki undan því að ég býð út sverði gegn öllum íbúum jarðarinnar, segir Drottinn hersveitanna.

Jeremía 36:7

Ef til vill kemur bæn þeirra um miskunn fyrir auglit Drottins og ef til vill snúa þeir hver og einn frá villu síns vegar því að Drottinn hefur hótað þessu fólki reiði og heift.“

Jeremía 37:20

En hlustaðu nú og gerðu bón mína, herra minn og konungur. Láttu ekki flytja mig aftur í hús Jónatans ríkisritara því að það yrði minn bani.“

Esekíel 36:22

Segðu því við Ísraelsmenn: Svo segir Drottinn Guð: Það er ekki ykkar vegna að ég læt til mín taka, Ísraelsmenn, heldur vegna míns heilaga nafns sem þið hafið vanhelgað meðal þjóðanna sem þið eruð komnir til.

Esekíel 36:32

Það er ekki ykkar vegna að ég læt til mín taka, segir Drottinn Guð, það skuluð þið vita. Blygðist ykkar og verið sneyptir vegna breytni ykkar, Ísraelsmenn.

Daníel 9:7

Þitt er réttlætið, Drottinn, en vér berum smán vora allt til þessa dags, Júdamenn, Jerúsalembúar og öll Ísraelsþjóð nær og fjær, í öllum löndum sem þú hefur gert þá útlæga til vegna misgjörða þeirra við þig.

Fjórða Mósebók 6:27

Þannig skuluð þið leggja nafn mitt yfir Ísraelsmenn og ég mun blessa þá.“

Fyrra Korintubréf 1:2

söfnuði Guðs í Korintu, þeim sem Guð hefur helgað í samfélagi við Jesú Krist og kallað til að lifa heilögu lífi. Við heilsum einnig öllum þeim sem alls staðar ákalla nafn Drottins vors Jesú Krists sem er þeirra Drottinn og vor.