Daníel 9:13 - Biblían (2007)

¹³ Öll þau ósköp, sem skráð eru í lögmáli Móse, eru komin yfir oss. Og ekki höfum vér friðmælst við Drottin, Guð vorn, með því að hverfa frá misgjörðum og öðlast visku af þínum sannleika.

Biblían (1981)

¹³ Eins og skrifað er í lögmáli Móse um alla þessa ógæfu, svo er hún yfir oss komin. Og vér höfum ekki blíðkað Drottin Guð vorn með því að hverfa frá misgjörðum vorum og gefa gætur að trúfesti þinni.

Daníel 9:13 ပူးပေါင်းရင်းမြစ်များ

Síðari konungabók 22:16

Svo segir Drottinn: Ég sendi böl yfir þennan stað og íbúa hans, öll dómsorð bókarinnar sem Júdakonungur hefur lesið.

Jobsbók 36:13

Guðlausir í hjarta ala á heift, þeir hrópa ekki á hjálp þegar hann fjötrar þá.

Sálmarnir 119:18

Ljúk upp augum mínum svo að ég sjái dásemdirnar í lögmáli þínu.

Sálmarnir 119:27

Lát mig skilja veg fyrirmæla þinna, að ég megi íhuga dásemdir þínar.

Sálmarnir 119:73

Hendur þínar sköpuðu mig og mótuðu, veit mér skilning til að læra boð þín.

Sálmarnir 85:4

Þú hefur sefað reiði þína, látið af glóandi bræði þinni.

Jesaja 31:1

Vei þeim sem fara til Egyptalands í liðsbón, sem reiða sig á hesta og treysta á hervagna af því að þeir eru margir og á riddara af því að þeir eru fjölmargir en líta ekki til Hins heilaga í Ísrael og leita ekki svara hjá Drottni.

Jesaja 42:9

Sjá, hið fyrra er fram komið en nú boða ég nýtt og áður en það vex upp kunngjöri ég það.

Jesaja 43:22

Þú hefur ekki ákallað mig, Jakob, né þreytt þig mín vegna, Ísrael.

Jesaja 64:6

Enginn ákallar nafn þitt, hreyfir sig eða reynir að halda sér fast við þig því að þú huldir auglit þitt fyrir oss og ofurseldir oss vegna synda vorra.

Jesaja 64:7

En þú, Drottinn, ert faðir vor, vér erum leir, þú hefur mótað oss og allir erum vér handaverk þín.

Jesaja 9:13

Þá hjó Drottinn höfuð og hala af Ísrael, pálmagrein og strá á sama degi.

Jeremía 2:30

Til einskis hirti ég syni yðar, þeir létu sér ekki segjast. Eins og glefsandi ljón tortímdu sverð yðar spámönnunum.

Jeremía 30:14

Allir vinir þínir hafa gleymt þér, þeir vitja þín ekki því að ég laust þig sem fjandmann, hirti þig harðlega því að sekt þín var mikil, syndir þínar margar.

Jeremía 31:18

Ég heyrði kvein Efraíms: „Þú hirtir mig og ég tók hirtingunni líkt og óvaninn kálfur. Lát mig snúa heim, þá skal ég snúa við því að þú ert Drottinn, Guð minn.

Jeremía 44:23

Þar sem þér kveiktuð fórnareld og syndguðuð gegn Drottni og hlýdduð ekki boðum Drottins og fylgduð hvorki eftir lögum hans, ákvæðum né fyrirmælum kom þetta böl sem enn varir yfir yður.“

Jeremía 44:27

Ég vaki yfir þeim til óheilla en ekki til heilla. Allir Júdamenn í Egyptalandi munu falla fyrir sverði eða farast úr hungri og þeim verður gereytt.

Jeremía 5:3

Drottinn, leita augu þín ekki sannleikans? Þú slóst þá en þá sveið ekki undan, þú gerðir nærri út af við þá en þeir létu sér ekki segjast. Þeir þverskölluðust og vildu ekki snúa við.

Harmljóðin 5:21

Snú þú oss til þín, Drottinn, þá snúum vér aftur, endurnýja daga vora eins og til forna.

Esekíel 16:43

Þar sem þú minntist ekki bernskudaga þinna og vaktir reiði mína með öllu þessu læt ég breytni þína koma þér í koll, segir Drottinn Guð. Hefurðu ekki framið aðra svívirðu ofan á önnur viðbjóðsleg verk þín?

Daníel 9:11

Öll Ísraelsþjóð hefur brotið lögmál þitt, villst af leið og óhlýðnast þér svo að allar bölvanir og eiðar, sem skráðir eru í lögmáli Móse, þjóns Guðs, hafa komið yfir oss því að vér höfum syndgað gegn honum.

Hósea 7:10

Hroki Ísraels vitnar gegn honum sjálfum og Ísraelsmenn hverfa ekki aftur til Drottins, Guðs síns, leita hans ekki þrátt fyrir allt þetta.

Hósea 7:14

og hrópuðu ekki til mín í hjarta sínu þegar þeir kveinuðu í hvílum sínum. Vegna korns og víns ristu þeir á sig skinnsprettur, þeir hafa snúist gegn mér.

Hósea 7:7

Allir eru þeir glóandi sem ofn, þeir gleypa stjórnendur sína, allir konungar þeirra féllu, enginn þeirra ákallar mig.

Lúkasarguðspjall 24:45

Síðan lauk hann upp huga þeirra að þau skildu ritningarnar.

Jóhannesarguðspjall 10:35

– og ritningin verður ekki felld úr gildi. Ef lögmálið nefnir þá guði sem Guðs orð kom til

Jóhannesarguðspjall 6:45

Hjá spámönnunum er skrifað: Guð mun kenna þeim öllum. Hver sem hlýðir á föðurinn og lærir af honum kemur til mín.

Jóhannesarguðspjall 8:32

og munuð þekkja sannleikann, og sannleikurinn mun gera yður frjálsa.“

Efesusbréfið 4:21

Jesús er sannleikurinn og ég veit að þið hafið heyrt um hann og verið frædd um hann:

Fimmta Mósebók 29:4

Ég leiddi ykkur um eyðimörkina í fjörutíu ár og hvorki slitnuðu klæðin utan af ykkur né ilskórnir af fótum ykkar.

Jakobsbréfið 1:5

Ef einhvern mann í ykkar hópi brestur visku, þá biðji hann Guð sem gefur öllum örlátlega og átölulaust og honum mun gefast.