Daníel 9:11 - Biblían (2007)

¹¹ Öll Ísraelsþjóð hefur brotið lögmál þitt, villst af leið og óhlýðnast þér svo að allar bölvanir og eiðar, sem skráðir eru í lögmáli Móse, þjóns Guðs, hafa komið yfir oss því að vér höfum syndgað gegn honum.

Biblían (1981)

¹¹ Já, allur Ísrael hefir brotið lögmál þitt, hefir vikið frá þér, svo að hann hlýðir eigi framar raustu þinni. Þá var þeirri eiðfestu bölvan úthellt yfir oss, sem skrifuð er í lögmáli Móse, þjóns Guðs, því að vér höfum syndgað móti honum.

Daníel 9:11 ပူးပေါင်းရင်းမြစ်များ

Síðari konungabók 18:12

Þetta gerðist af því að þeir höfðu ekki hlustað á rödd Drottins, Guðs síns, heldur rofið sáttmála hans, allt það sem Móse, þjónn Drottins, hafði boðið þeim. Þeir hlustuðu hvorki á það né breyttu eftir því.

Síðari konungabók 22:16

Svo segir Drottinn: Ég sendi böl yfir þennan stað og íbúa hans, öll dómsorð bókarinnar sem Júdakonungur hefur lesið.

Jesaja 1:3

Uxinn þekkir eiganda sinn og asninn jötu húsbónda síns en Ísrael þekkir ekki, fólk mitt skilur ekki.

Jesaja 43:28

Þess vegna vanhelgaði ég hina heilögu höfðingja og ofurseldi Jakob banni og Ísrael háðung.

Jeremía 16:11

Þá skaltu svara: „Af því að feður yðar yfirgáfu mig, segir Drottinn. Þeir eltu aðra guði, þjónuðu þeim og sýndu þeim lotningu, þeir yfirgáfu mig og héldu ekki lög mín.“

Jeremía 2:29

Hvers vegna ákærið þér mig? Þér hafið allir brugðist mér, segir Drottinn.

Jeremía 30:14

Allir vinir þínir hafa gleymt þér, þeir vitja þín ekki því að ég laust þig sem fjandmann, hirti þig harðlega því að sekt þín var mikil, syndir þínar margar.

Jeremía 32:23

En þegar þeir komu og tóku það til eignar hlýddu þeir ekki boðum þínum og fóru ekki eftir lögum þínum. Þeir hafa ekki gert neitt af því sem þú bauðst þeim. Þess vegna hefur þú sent þeim allt þetta böl.

Jeremía 40:3

Drottinn hefur látið það verða sem hann hótaði og framkvæmt það því að þér hafið syndgað gegn Drottni. Þar sem þér hlýdduð ekki fyrirmælum hans hlaut þessi ógæfa að koma yfir yður.

Jeremía 44:22

Drottinn gat ekki lengur þolað illvirki yðar og viðurstyggilegt athæfi. Þess vegna var land yðar lagt í rúst og það gereytt, lögð á það bölvun og það varð óbyggð eins og það er enn.

Jeremía 44:23

Þar sem þér kveiktuð fórnareld og syndguðuð gegn Drottni og hlýdduð ekki boðum Drottins og fylgduð hvorki eftir lögum hans, ákvæðum né fyrirmælum kom þetta böl sem enn varir yfir yður.“

Jeremía 6:19

Heyr það, jörð. Ég færi þessari þjóð ógæfu. Það er ávöxtur þeirra eigin hugarfars því að þeir hafa ekki hlustað á orð mín, þeir hafa hafnað lögum mínum.

Jeremía 9:26

Allar þessar þjóðir eru óumskornar en allir af ætt Ísraels eru óumskornir á hjarta.

Daníel 9:13

Öll þau ósköp, sem skráð eru í lögmáli Móse, eru komin yfir oss. Og ekki höfum vér friðmælst við Drottin, Guð vorn, með því að hverfa frá misgjörðum og öðlast visku af þínum sannleika.

Daníel 9:5

Vér höfum syndgað, vér höfum farið villir vegar, vér höfum breytt illa, verið mótþróafullir og vikið frá boðorðum þínum og fyrirmælum.

Sakaría 1:6

En orð mín og ákvarðanir, sem ég lét þjóna mína, spámennina, boða þeim, hafa þau ekki hitt forfeður ykkar fyrir? Snerist þeim ekki hugur svo að þeir sögðu: „Það sem Drottinn allsherjar hafði ákveðið að gera við okkur eftir breytni okkar og verkum, það hefur hann einmitt gert?“

Sakaría 7:12

Hjörtu sín gerðu þeir hörð sem stein svo að þau námu ekki áminningar og viðvaranir Drottins sem hann hafði boðað með anda sínum fyrir munn hinna fyrri spámanna. Spratt af því ógnarbræði Drottins allsherjar.

Sakaría 8:13

Og þið, ætt Júda og ætt Ísraels, sem eruð orðnar að bölvun meðal þjóðanna, ykkur hjálpa ég, nú verðið þið til blessunar. Óttist ekki, verið hughraustar.

Fimmta Mósebók 8:20

eins og þjóðunum sem Drottinn eyddi fyrir ykkur. Þannig verður ykkur eytt vegna þess að þið hlýdduð ekki rödd Drottins, Guðs ykkar.