Daníel 4:4 - Biblían (2007)

⁴ Og spásagnamenn, særingamenn, Kaldear og galdramenn komu og ég sagði þeim drauminn en þeir gátu ekki ráðið hann fyrir mig.

Biblían (1981)

⁴ Ég, Nebúkadnesar, lifði áhyggjulaus í húsi mínu og átti góða daga í höll minni.

Daníel 4:4 ပူးပေါင်းရင်းမြစ်များ

Jesaja 56:12

„Komið, ég skal sækja vín, vér skulum drekka duglega. Morgundagurinn verður sem þessi, jafnvel enn betri.“

Jeremía 48:11

Móab naut friðar frá æsku, hann hvíldi í næði eins og vín á dreggjum. Honum var ekki hellt úr einu keri í annað og hann fór aldrei í útlegð. Því varðveitti hann bragð sitt og ilmurinn breyttist ekki.

Esekíel 28:17

En fegurð þín fyllti þig hroka og þú spilltir visku þinni vegna ljóma þíns. Ég fleygði þér til jarðar, fyrir fætur konunga, svo að þeir gætu notið þess að horfa á þig.

Esekíel 29:3

Segðu: Svo segir Drottinn Guð: Nú held ég gegn þér, faraó, konungur Egyptalands, þú mikli krókódíll sem liggur milli kvísla Nílar og segir: „Ég á kvíslar Nílar og bjó þær til.“

Daníel 2:11

Torvelt er það sem konungur beiðist og getur enginn frætt hann um það nema guðirnir einir en bústaður þeirra er ekki meðal dauðlegra manna.“

Daníel 4:19

Þetta ert þú, konungur, sem ert orðinn mikill og voldugur, tign þín svo mikil orðin að hún nær til himins og veldi þitt til endimarka jarðar.

Daníel 5:8

Allir vitringar konungs komu en þeir gátu hvorki lesið letrið né ráðið það fyrir konung.

Sefanía 1:12

Á þeim degi mun ég grandskoða Jerúsalem með ljóskerum og hegna þeim sem liggja andvaralausir og hugsa með sér: „Drottinn mun ekkert aðhafast, hvorki gott né illt.“