Daníel 3:3 - Biblían (2007)

³ Og allir héraðshöfðingjarnir, landshöfðingjarnir, fógetarnir, féhirðarnir, dómararnir, lögmennirnir og embættismenn skattlandanna komu saman til vígslu líkneskisins, sem Nebúkadnesar konungur hafði látið reisa, og tóku sér stöðu frammi fyrir líkneskinu sem Nebúkadnesar hafði látið reisa.

Biblían (1981)

³ Þá söfnuðust saman jarlarnir, landstjórarnir, landshöfðingjarnir, ráðherrarnir, féhirðarnir, dómararnir, lögmennirnir og allir embættismenn í skattlöndunum til vígslu líkneskisins, sem Nebúkadnesar konungur hafði reisa látið, og námu staðar frammi fyrir líkneskinu, er Nebúkadnesar hafði látið reisa.

Daníel 3:3 ပူးပေါင်းရင်းမြစ်များ

Daníel 3:2

Og Nebúkadnesar sendi menn til að stefna saman öllum héraðshöfðingjum, landshöfðingjum, fógetum, féhirðum, dómurum, lögmönnum og embættismönnum skattlandanna. Skyldu þeir koma til vígslu líkneskisins sem Nebúkadnesar konungur hafði látið reisa.

Daníel 3:27

Héraðshöfðingjarnir, landstjórarnir, landshöfðingjarnir og ráðgjafar konungs þyrptust saman og sáu að eldurinn hafði ekki unnið á líkama mannanna, hárið á höfði þeirra hafði ekki sviðnað, né sá á treyjum þeirra og engin brunalykt var af þeim.

Daníel 3:4

Þá hrópaði kallarinn hárri röddu: „Þetta er ykkur fyrirskipað, hverrar þjóðar og hvaða lands sem þið eruð og hver sem tunga ykkar er:

Rómverjabréfið 3:11

enginn er vitur, enginn sem leitar Guðs.

Opinberunarbókin 17:13

Þessir hafa allir eitt ráð og ljá dýrinu mátt sinn og vald.

Opinberunarbókin 17:17

því að Guð hefur lagt þeim í brjóst að gera vilja sinn og vera ásátt um að fela dýrinu að ráða ríkjum, allt til þess er orð Guðs koma fram.