Daníel 12:3 - Biblían (2007)

³ Hinir vitru munu skína eins og björt himinhvelfing og þeir sem beina mörgum til réttlætis verða sem stjörnur um aldur og ævi.

Biblían (1981)

³ Og hinir vitru munu skína eins og ljómi himinhvelfingarinnar og þeir, sem leitt hafa marga til réttlætis, eins og stjörnurnar um aldur og ævi.

Daníel 12:3 ပူးပေါင်းရင်းမြစ်များ

Önnur Mósebók 34:35

Þegar Ísraelsmenn sáu andlit Móse sáu þeir að ljómi stóð af andliti hans. Þá huldi Móse andlit sitt aftur með skýlu þar til hann fór til að tala við Drottin.

Orðskviðirnir 11:30

Ávöxtur réttlætisins er lífstré og hinn vitri eignast hylli manna.

Orðskviðirnir 3:35

Vitrir menn hljóta heiður en heimskingjar bera smán úr býtum.

Orðskviðirnir 4:18

Gata réttlátra er eins og bjartur árdagsljómi, því bjartari sem nær líður hádegi.

Prédikarinn 12:9

En prédikarinn var spekingur og miðlaði mönnum einnig þekkingu og rannsakaði og kynnti sér og samdi mörg spakmæli.

Jesaja 53:11

Að þjáningum sínum loknum mun hann sjá ljós og seðjast af þekkingu sinni. Þjónn minn mun réttlæta marga því að hann bar syndir þeirra.

Jeremía 23:22

Hefðu þeir verið í ráði mínu, þá hefðu þeir boðað þjóð minni orð mín og snúið henni frá villu síns vegar og vondri breytni.

Daníel 11:33

Hinir hyggnu meðal þjóðarinnar munu veita mörgum skilning en um skeið munu þeir falla fyrir sverði og eldi og þola útlegð og eignamissi.

Daníel 11:35

Sumir hyggindamannanna munu falla svo að þeir verði skírðir, hreinsaðir og þoli raunir allt til endalokanna því að enn dregst undan hin ásetta stund.

Daníel 12:10

Margir verða skírðir, reyndir og hreinsaðir, illmennin munu fremja ranglæti og enginn hinna ranglátu mun skilja neitt; en hinir vitru munu skilja það.

Matteusarguðspjall 13:43

Þá munu þau sem hlýtt hafa Guði skína sem sól í ríki föður þeirra. Hver sem eyru hefur hann heyri.“

Matteusarguðspjall 19:28

Jesús sagði við þá: „Sannlega segi ég ykkur: Þegar Guð hefur endurnýjað allt og Mannssonurinn situr í dýrðarhásæti sínu munuð þið, sem fylgið mér, einnig sitja í tólf hásætum og dæma tólf ættkvíslir Ísraels.

Matteusarguðspjall 24:45

Hver er sá trúi og hyggni þjónn sem húsbóndinn hefur sett yfir hjú sín að gefa þeim mat á réttum tíma?

Jóhannesarguðspjall 4:36

Sá sem upp sker tekur þegar laun og safnar ávexti til eilífs lífs. Þá getur sá sem sáir samfagnað þeim sem upp sker.

Jóhannesarguðspjall 5:35

Hann var logandi og skínandi lampi. Þér vilduð um stund gleðjast við ljós hans.

Postulasagan 13:1

Í söfnuðinum í Antíokkíu voru spámenn og kennarar. Þar voru þeir Barnabas, Símeon, nefndur Níger, Lúkíus frá Kýrene, Manaen, samfóstri Heródesar fjórðungsstjóra, og Sál.

Fyrra Korintubréf 3:10

Sem vitur byggingameistari hef ég lagt grundvöll eftir þeirri náð sem Guð hefur veitt mér en annar hefur byggt ofan á. En sérhver athugi hvernig hann byggir.

Efesusbréfið 4:11

Og frá honum er sú gjöf komin að sumir eru postular, sumir spámenn, sumir trúboðar, sumir hirðar og kennarar.

Hebreabréfið 5:12

Þó að þið tímans vegna ættuð að vera kennarar, þá hafið þið þess enn á ný þörf að einhver kenni ykkur undirstöðuatriði Guðs orða. Svo er komið fyrir ykkur að þið hafið þörf fyrir mjólk en ekki fasta fæðu.

Síðara Pétursbréf 3:15

Álítið langlyndi Drottins vors vera hjálpræðisleið. Þetta er það sem hinn elskaði bróðir okkar, Páll, hefur ritað ykkur eftir þeirri speki sem honum er gefin.

Opinberunarbókin 1:20

Þessi er leyndardómurinn um stjörnurnar sjö, sem þú hefur séð í hægri hendi minni, og um gullstikurnar sjö. Stjörnurnar sjö eru englar þeirra sjö safnaða og ljósastikurnar sjö eru söfnuðirnir sjö.

Dómarabókin 5:31

Svo farist allir óvinir þínir, Drottinn. En megi þeir sem þig elska ljóma sem sólarupprás. Var nú friður í landi í fjörutíu ár.