Daníel 10:9 - Biblían (2007)

⁹ Ég heyrði hann tala og meðan ég hlustaði á hann seig á mig djúpur svefn svo að ég féll fram á ásjónu mína á jörðinni.

Biblían (1981)

⁹ Og ég heyrði hljóminn af orðum hans, og er ég heyrði hljóminn af orðum hans, hné ég í ómegin á ásjónu mína, með andlitið að jörðinni.

Daníel 10:9 ပူးပေါင်းရင်းမြစ်များ

Fyrsta Mósebók 15:12

Er sól var að ganga til viðar leið þungur svefnhöfgi á Abram og ótti og myrk skelfing kom yfir hann.

Fyrsta Mósebók 2:21

Þá lét Drottinn Guð djúpan svefn falla á manninn. Og er hann var sofnaður tók hann eitt af rifjum hans og setti hold í þess stað.

Jobsbók 33:15

Í draumi, í sýn um nótt, þegar menn sofa djúpum svefni í rúmum sínum,

Jobsbók 4:13

í hugrenningum út frá draumsýn um nótt þegar svefnhöfgi leggst á menn.

Ljóðaljóðin 5:2

Ég sef en hjarta mitt vakir. Elskhugi minn knýr dyra. „Ljúktu upp fyrir mér, systir mín, ástin mín, dúfan mín lýtalausa. Höfuð mitt er alvott af dögg, hárlokkarnir af dropum næturinnar.“

Daníel 10:16

Einhver, áþekkur manni, snart þá varir mínar og ég opnaði munninn, tók til máls og sagði við þann sem stóð frammi fyrir mér: „Herra minn, vegna þessarar sýnar kvelst ég og fæ ekki eflt mér þrótt.

Daníel 8:18

Og meðan hann talaði við mig kom yfir mig djúpur svefn þar sem ég lá á grúfu á jörðinni. Þá snerti hann mig og reisti mig á fætur

Habakkuk 3:16

Þetta hef ég heyrt og það ólgaði innra með mér, varir mínar skulfu er það barst mér. Bein mín tærðust og ég varð valtur á fótum. Með hugarró mun ég þó bíða neyðardagsins, dagsins sem kemur yfir þá þjóð sem fer ránshendi gegn oss.

Lúkasarguðspjall 22:45

Hann stóð upp frá bæn sinni, kom til lærisveinanna og fann þá sofandi, örmagna af hryggð.

Lúkasarguðspjall 9:32

Þá Pétur og félaga hans sótti mjög svefn en nú vöknuðu þeir og sáu dýrð hans og mennina tvo er stóðu hjá honum.

Opinberunarbókin 1:17

Þegar ég sá hann féll ég fyrir fætur honum sem dauður væri. Og hann lagði hægri hönd sína yfir mig og sagði: Vertu ekki hræddur, ég er hinn fyrsti og hinn síðasti