Daníel 10:1 - Biblían (2007)

¹ Á þriðja ári Kýrusar Persakonungs barst Daníel, sem kallaður var Beltsasar, vitrun. Vitrunin var sönn en afar torskilin. Skilning á henni fékk hann í sýn.

Biblían (1981)

¹ Á þriðja ári Kýrusar Persakonungs fékk Daníel, sem kallaður var Beltsasar, opinberun, og opinberunin er sönn og boðar miklar þrengingar. Og hann gaf gætur að opinberuninni og hugði að sýninni.

Daníel 10:1 ပူးပေါင်းရင်းမြစ်များ

Fyrsta Mósebók 41:32

Ástæðan til þess að þig dreymdi tvisvar hið sama er sú að þetta er fastráðið af Guði og Guð mun fljótlega láta það verða.

Síðari kroníkubók 36:22

Á fyrsta stjórnarári Kýrusar Persakonungs rættist orð Drottins sem flutt hafði verið af munni Jeremía. Drottinn blés Kýrusi Persakonungi því í brjóst að tilkynna eftirfarandi bæði munnlega og skriflega:

Esrabók 3:7

Þeir guldu steinsmiðum og trésmiðum fé en greiddu Sídonsmönnum og Týrusmönnum með matvælum og drykkjarföngum og ólífuolíu fyrir að flytja sedrusviðarboli sjóleiðina til Jafó. Það var gert samkvæmt heimild sem Kýrus Persakonungur hafði veitt þeim.

Esrabók 4:3

Serúbabel, Jesúa og aðrir ættarhöfðingjar Ísraels svöruðu: „Þið getið ekki verið með okkur um að reisa Guði okkar hús. Við ætlum einir að reisa Drottni, Guði Ísraels, hús eins og Kýrus Persakonungur hefur lagt fyrir okkur.“

Esrabók 4:5

Þeir mútuðu ráðgjöfum til að vinna gegn þeim og ónýta fyrirætlanir þeirra. Á þessu gekk alla stjórnartíð Kýrusar Persakonungs þar til Daríus varð konungur Persíu.

Esrabók 6:14

Öldungar Gyðinga héldu byggingunni áfram og sóttist verkið vel vegna spámannsstarfs Haggaí spámanns og Sakaría Iddósonar. Tókst þeim að ljúka byggingunni samkvæmt fyrirmælum frá Guði Ísraels og tilskipunum Kýrusar og Daríusar og Artaxerxesar Persakonunga.

Esrabók 6:3

Á fyrsta stjórnarári Kýrusar konungs gaf Kýrus konungur svohljóðandi fyrirmæli: Hvað hús Guðs í Jerúsalem snertir þá skal það endurreist svo að þar verði staður til fórna. Byggt skal á gamla grunninum. Húsið skal verða sextíu álnir á hæð og sextíu álnir á breidd.

Jesaja 44:28

Ég segi við Kýrus: „Þú ert hirðir minn,“ allt, sem mér þóknast, framkvæmir hann með því að segja við Jerúsalem: „Þú verður endurreist og grunnur musterisins lagður.“

Daníel 1:17

Þessum fjórum piltum veitti Guð lærdóm og leikni í hvers kyns ritmennt og speki. Og Daníel gat ráðið hverja sýn og hvern draum.

Daníel 1:21

Þarna dvaldist Daníel allt til fyrsta stjórnarárs Kýrusar konungs.

Daníel 1:7

Æðsti geldingur konungs gaf þeim nöfn og kallaði Daníel Beltsasar, Hananja Sadrak, Mísael Mesak og Asarja Abed-Negó.

Daníel 10:14

Því er ég kominn til að veita þér skilning á því sem koma mun yfir þjóð þína á ókomnum dögum af því að enn er þetta sýn um þá daga.“

Daníel 11:2

Og nú mun ég segja þér hið sanna: Þrír konungar munu enn komast til valda í Persíu og verður hinn fjórði þó mun auðugri en allir hinir. Með valdi því sem auður hans færir honum mun hann egna alla gegn ríki Grikkja.

Daníel 12:4

En leyndu þessum orðum, Daníel, og innsiglaðu bókina þar til dregur að endalokum. Menn munu leita víða og skilningur þeirra mun aukast.“

Daníel 12:9

Hann svaraði: „Farðu, Daníel, því að þessi orð eru leyndardómur, innsigluð allt til endalokanna.

Daníel 2:21

Hann ræður tímum og tíðum, sviptir konunga völdum og kemur konungum til valda, spekingum veitir hann speki og hyggnum mönnum hyggindi.

Daníel 4:8

Tréð tók að vaxa og varð geysistórt, svo hátt að það nam við himin

Daníel 5:12

Þessi maður, Daníel, sem konungurinn kallaði Beltsasar, bjó yfir frábæru innsæi, þekkingu og kunnáttu við að ráða drauma og gátur og greiða úr vandamálum. Láttu því kalla á Daníel svo að hann geti sagt hvað þetta merkir.“

Daníel 5:17

Daníel sagði þá við konung: „Haltu sjálfur þeirri umbun og gefðu einhverjum öðrum gjafir þínar en letrið skal ég lesa, konungur, og segja þér merkingu þess.

Daníel 6:28

Hann frelsar og bjargar, hann gerir tákn og undur á himni og jörð, hann sem bjargaði Daníel úr klóm ljónanna.“

Daníel 8:16

Og ég heyrði mannsrödd úr Úlaífljóti sem kallaði: „Gabríel, útskýrðu sýnina fyrir þessum manni.“

Daníel 8:26

Og satt er það sem sagt var í sýninni um kvöld og morgna. En þeirri sýn skaltu leyna því að enn er langt í að hún komi fram.“

Lúkasarguðspjall 1:20

En nú verður þú mállaus og getur ekki talað til þess dags er þetta kemur fram vegna þess að þú trúðir ekki orðum mínum. En þau munu rætast á sínum tíma.“

Opinberunarbókin 19:9

Engillinn segir við mig: „Rita þú: Sælir eru þeir sem boðið er í brúðkaupsveislu lambsins.“ Og hann segir við mig: „Þetta eru hin sönnu orð Guðs.“