Zephaniah 3:3 - Yn Vible Casherick 1775 1819

³ Ta ny princeyn cheu-sthie j’ee nyn lionyn buirroogh: ta ny briwnyn eck myr moddee-oaldey yn astyr, nagh vel caigney ny craueyn derrey’n vairagh.

Zephaniah 3:3 ပူးပေါင်းရင်းမြစ်များ

Raaghyn Creeney 28:15

Myr lion buirroogh, as muc-awin jollyssagh; myr shen ta fer-reill olkyssagh harrish theay seaghnit.

Isaiah 1:23

Ta dty phrinceyn mee-reiltagh, as sheshaghyn maarlee: ta dagh fer jeu sondagh er giootyn, as shêgin er leagh briwnys: cha vel ad briwnys son y chloan gyn ayr, chamoo ta cooish yn ven-treoghe cheet kiongoyrt roo.

Isaiah 5:29

Bee yn buirroogh oc myr lion, nee ad garveigagh myr lionyn aegey: nee ad buirroogh, as neesht greimmey yn spooilley, as ver ad lhieu ersooyl eh dy sauchey, as cha by-loys da fer erbee ’hauail eh.

Jeremiah 22:17

Agh cha vel dty hooillyn’s as dty chree’s agh ooilley son saynt, as son deayrtey fuill gyn-loght, as son dewilys, as son tranlaase, dy yannoo eh.

Jeremiah 23:11

Son ta chammah yn phadeyr as y saggyrt mee-chrauee; eer ayns my hie hene ta mee er gheddyn yn vee-chraueeaght oc, ta’n Chiarn dy ghra.

Jeremiah 34:19

Eer princeyn Yudah, as princeyn Yerusalem, ny fir-oik, as ny saggyrtyn, as ooilley pobble y cheer, huill eddyr dagh lieh jeh’n lheiy oural;

Jeremiah 5:6

Er-y-fa shen nee lion ass y cheyll adsyn y stroie, as nee moddey-oaldey ’syn astyr ad y raipey, nee leopard freayll arrey er ny ard-valjyn oc: bee dy chooilley unnane ta goll magh assdoo er ny raipey ayns peeshyn; er-yn-oyr dy vel y drogh-yannoo oc ymmodee, as y cooyl-skyrraghtyn oc goaill niart.

Ezekiel 22:6

Cur-my-ner princeyn Israel, va dagh fer jeu mayrt’s rere nyn booar, son deayrtey fuill.

Ezekiel 33:26

Ta shiu cur nyn marrant er nyn gliwe, ta shiu jannoo reddyn eajee, as ta dagh fer j’iu jannoo peccah rish ben e naboo; as jean shiuish goaill eiraght ’sy cheer.

Habakkuk 1:8

Ta ny cabbil oc neesht ny s’bieau na ny leopardyn, as ny s’barbagh na moddee-oaldey yn astyr: as nee nyn markee lhiggey mygeayrt, as hig nyn markee veih cheer foddey, nee ad getlagh myr urley ta jollyssagh er y chragh.