Zephaniah 3:2 - Yn Vible Casherick 1775 1819

² Cha row ee ammyssagh da’n goo: cha goghe ee rish ynsagh: cha hreisht ee ayns y Chiarn; cha daink ee er-gerrey da’n Jee eck.

Zephaniah 3:2 ပူးပေါင်းရင်းမြစ်များ

Nehemiah 9:26

Son shoh as ooilley v’ad mee-viallagh, as dirree ad magh dt’oï, as hilg ad dty leigh cheu nyn gooylloo, as varr ad dt’adeyryn, ren gymmyrkey feanish nyn ’oï, dy hyndaa ad hood’s, as ren ad uss dy mooar y vrasnaghey.

Psalmyn 10:4

Ta’n mee-chrauee cha mooaralagh, nagh vel geill echey da Jee: chamoo ta Jee ayns ooilley e smooinaghtyn.

Psalmyn 50:17

Fakin dy vel dwoaie ayd er lhiasaghey-bea: as t’ou er hilgey my ghoan cheu dty chooylloo.

Psalmyn 78:22

Tra cheayll y Chiarn shoh, v’eh jymmoosagh: myr shen va’n aile er ny oaddey ayns Jacob, as haink jymmoose trome seose noi Israel,

Raaghyn Creeney 1:7

Ta aggle y Chiarn toshiaght tushtey: agh ta ommydanyn soiaghey beg jeh creenaght, as ynsagh.

Raaghyn Creeney 5:12

As dy jir oo, Kys va mee dwoaiagh er ynsagh, as kys ren my chree soiaghey beg jeh coyrle.

Isaiah 1:5

Cre’n-fa veagh shiu ny-sodjey er nyn gerraghey? nee shiu girree-magh ny smoo as ny smoo. Ta’n kione ooilley ching, as yn cree ooilley faiynt.

Isaiah 29:13

Shen-y-fa dooyrt y Chiarn, Son wheesh as dy vel yn pobble shoh tayrn er-gerrey dooys lesh nyn meeal, as dy my ooashlaghey lesh nyn meillyn, agh ta’n cree oc er ny scughey foddey voym, as ta nyn aggle roym er ny ynsaghey liorish oardagh deiney:

Isaiah 31:1

Smerg dauesyn ta goll sheese gys Egypt son cooney, as coyrt nyn marrant er cabbil, as treishteil ayns fainee, er-yn-oyr dy vel ad ymmodee; as ayns markee, son dy vel ad feer lajer! agh cha vel ad jeeaghyn gys Jee casherick Israel, chamoo t’ad shirrey yn Chiarn.

Isaiah 43:22

Agh cha vel uss er n’eamagh orrym’s, O Yacob; as t’ou uss er ve skee jeem’s, O Israel.

Isaiah 9:12

Ny Syrianee er e veealloo, as ny Philistinee er e chooylloo; as nee ad Israel y stroie lesh beeal foshlit. Son ooilley shoh cha vel e yymmoose er ny hyndaa ersooyl, agh ta e laue foast sheeynt magh.

Jeremiah 13:25

Shoh dty chronney, yn ayrn eiraght t’ad voym’s, ta’n Chiarn dy ghra; er-y-fa dy vel oo er my yarrood, as er choyrt dty varrant er fardalys.

Jeremiah 2:30

Ayns fardail ta mee er smaghtaghey nyn gloan, nagh beagh er nyn gerraghey: ta’n cliwe eu hene, myr lion stroialtagh, er varroo nyn adeyryn.

Jeremiah 22:21

Loayr mee rhyt ayns dty vaynrys: agh dooyrt oo, Cha jean-ym geaishtagh: shoh va dty chliaghtey veih dty aegid, nagh dug oo biallys da my choraa.

Jeremiah 32:33

Son t’ad er jyndaa cooyl rhym, as cha nee nyn oaie orrym: ga dy dynsee mee ad, girree dy moghey as cur roue, ny-yeih cha vel ad er n’eaishtagh dy ghoaill ynsagh.

Jeremiah 35:13

Myr shoh ta Chiarn ny flaunyssee, Jee Israel, dy ghra, Immee as insh da deiney Yudah, as cummaltee Yerusalem, Nagh jean shiu ynsagh y ghoaill dy eaishtagh rish my ghoan? ta’n Chiarn dy ghra.

Jeremiah 35:17

Shen-y-fa shoh myr ta’n Chiarn, Jee ny flaunyssee, Jee Israel, dy ghra, Cur-my-ner, ver-yms lhiam er Judah, as er ooilley cummaltee Yerusalem, ooilley ny huilk ta mee er n’ockley magh nyn ’oï: er-yn-oyr dy vel mee er loayrt roo, agh cha dug ad clashtyn dou; as ta mee er n’eamagh orroo, agh cha vel ad er my reggyrt.

Jeremiah 5:3

O Hiarn, nagh vel ny sooillyn ayd’s er yn ynrickys? t’ou uss er lhie dty laue orroo, agh cha vel ad er ghoaill shoh gys nyn gree; t’ou uss dy choyrt mow ad, agh t’ad er n’obbal dy ghoaill kerraghey: t’ad er n’yannoo nyn eddin ny s’creoi na’n chreg; t’ad er n’obbal dy hyndaa.

Ezekiel 22:24

Vac y dooinney, abbyr r’ee, T’ou uss yn thalloo nagh vel er dty ooraghey, chamoo ta fliaghey er jeet neose ort ayns laa yn chorree dewil.

Ezekiel 24:13

Ayns dty vroïd ta rouanys; er-yn-oyr dy vel mee er dty ghlenney, as cha beagh oo er dty ghlenney; cha bee oo er dty ghlenney veih dty vroïd arragh, derrey ver-ym er my eulys dy hannaghtyn ort.

Zephaniah 1:6

As adsyn ta er chur cooyl rish y Chiarn, as adsyn nagh ren shirrey huggey, ny briaght er e hon.

2 Timothy 3:16

Ta ooilley’n scriptyr er ny choyrt liorish bree Spyrryd casherick Yee, as te vondeishagh son ynsagh, son oghsan, son lhiasaghey-bea, son tushtey ayns ynrickys:

Hebrewnee 10:22

Lhig dooin tayrn er-gerrey lesh cree firrinagh, ayns slane shickyrys dy chredjue, liorish nyn greeaghyn v’er nyn ghlenney veih drogh chooinsheanse, as nyn girp er nyn niee lesh ushtey glen.