Zechariah 7:2 - Yn Vible Casherick 1775 1819

² Tra hug mee gys thie Yee Sharezer, as Regem-melech, as ny deiney oc, dy ghoaill padjer roish y Chiarn:

Zechariah 7:2 ပူးပေါင်းရင်းမြစ်များ

Zechariah 8:21

As hig cummaltee un ard-valley gys ard-valley elley, gra, Lhig dooin goll dy tappee dy ghoaill padjer kiongoyrt rish y Chiarn, as dy hirrey Chiarn ny flaunyssee: hem’s myrgeddin.

Jeremiah 26:19

Dug Hezekiah ree Yudah as ooilley Judah eshyn gy-baase? nagh ren eh aggle y ghoaill roish y Chiarn, as guee gys y Chiarn, as ren y Chiarn yn vriwnys y hyndaa v’eh er n’ockley magh nyn ’oï? Myr shoh oddagh shinyn v’er dayrn briwnys trome er ny anmeenyn ain hene.

1 Reeaghyn 13:6

As dreggyr y ree as loayr eh rish yn dooinney dy Yee, Jean aghin nish gys eddin y Chiarn dty Yee, as guee er my hon, dy voddym use my laue y gheddyn reesht. As ren yn dooinney dy Yee guee gys y Chiarn, as va laue’n ree er ny laanaghey da reesht, as haink eh dy ve myr v’eh roïe.

1 Samuel 13:12

Er-y-fa shen dooyrt mee, Tuittee ny Philistinee nish orrym ec Gilgal, as cha vel mee er n’yannoo aghin gys y Chiarn: va mee êginit er-y-fa shen, as heb mee oural-losht.

Zechariah 6:10

Gow jeusyn jeh’n chappeeys, eer Heldai, Tobijah, as Jedaiah, t’er jeet voish Babylon, as tar uss yn laa cheddin, as immee gys thie Yosiah mac Zephaniah;

Isaiah 60:7

Bee ooilley shioltaneyn Chedar er nyn jaglym cooidjagh hood’s, nee reaghyn Nebaioth shirveish ort: hig ad seose lesh oural-ooasle gys my altar, as nee’m gloyraghey thie my ghloyr.

Ezra 6:10

Dy vod ad chebbal ourallyn dy hoar millish gys Jee niau, as padjer y ghoaill son bioys y ree as e vec.

Exodus 32:11

As ghow Moses padjer jeean gys y Chiarn e Yee, as dooyrt eh, Hiarn, cre’n-fa ta dty yymmoose brishey magh cha trome noi dty phobble, hug oo lhiat magh ass cheer Egypt, lesh ard phooar, as lesh laue niartal?

Ezra 2:28

Deiney Beth-el as Ai, daa cheead three as feed.