Zechariah 1:2 - Yn Vible Casherick 1775 1819

² Ta’n Chiarn er ny ve feer jymmoosagh rish ny ayraghyn euish.

Zechariah 1:2 ပူးပေါင်းရင်းမြစ်များ

Jeremiah 44:6

Shen-y-fa va my eulys as my chorree deayrtit magh, as foaddit er ard-valjyn Yudah, as ayns straïdyn Yerusalem; as t’ad naardey as mow, myr ec y laa jiu.

Ezekiel 22:31

Shen-y-fa ta mee er gheayrtey magh my yymmoose orroo, ta mee er chur mow ad lesh aile my eulys: nyn raad hene ta mee er chooilleeney er nyn ghing hene, ta’n Chiarn Jee dy ghra.

Dobberan 5:7

Ta nyn ayraghyn er n’yannoo peccah, as t’ad er n’immeeaght, agh ta shinyn er n’ymmyrkey yn vee-chairys oc.

Jannoo 7:52

Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro-laue jeh cheet yn Er cairagh, eh ta shiuish nish er vrah as er ghunverys:

Psalmyn 60:1

O Yee t’ou er hilgey shin magh, as er skeayley shin dy lhean: t’ou myrgeddin er ve jymmoosagh rooin; O chyndaa hooinyn reesht.

Ezra 9:13

As lurg ooilley ny t’er jeet orrin son nyn ghrogh-yannoo, as son nyn beccah trome, fakin dy vel uss y Jee ain er cherraghey shin ny sloo na ta nyn beccaghyn dy hoilchin, as er choyrt dooin lheid y livrey shoh:

2 Reeaghyn 23:26

Ny-yeih, cha hyndaa yn Chiarn veih chiass e chorree vooar, lesh va e yymmoose er ny vrasnaghey noi Judah, kyndagh rish ooilley ny peccaghyn va Manasseh er n’yannoo dy vrasnaghey eh lhieu.

2 Reeaghyn 22:19

Er-yn-oyr dy row dty chree meiygh, as dy vel oo er injillaghey oo-hene kiongoyrt rish y Chiarn, tra cheayll oo shen ny loayr mee noi yn ynnyd shoh, as noi ny cummaltee echey, dy darragh ad dy ve nyn draartys as mollaght, as dy raip oo dty choamrey, as dy cheayn oo kiongoyrt rhym; ta mee myrgeddin er chlashtyn oo, ta’n Chiarn dy ghra.

Ezekiel 8:18

Shen-y-fa neem’s myrgeddin dellal roosyn ayns jymmoose; cha jean my hooill gymmyrkey lhieu, chamoo vees chymmey aym orroo: as ga dy vel ad geamagh ayns my chleayshyn lesh ard-choraa, ny-yeih cha der-ym clashtyn daue.

Zechariah 1:15

As ta mee erskyn-towse jymmoosagh rish ny ashoonee ta ec nyn aash: son ga dy row my chorree eddrym, hug adsyn my heaghyn er y hoshiaght.

Jeremiah 32:23

As haink ad stiagh ayn, as ve oc ayns nyn gummal; agh cha dug ad biallys da dty choraa, chamoo jimmee ad ayns dty leigh; cha vel ad er n’yannoo veg jeh ooilley ny t’ou er harey daue dy yannoo; shen-y-fa t’ou er choyrt orroo ooilley’n kerraghey trome shoh.

Zechariah 7:12

Dy jarroo ren ad nyn greeaghyn [cha creoi] as y chlagh adamant, nagh glinnagh ad yn leigh, as ny goan, ta Chiarn ny flaunyssee er choyrt ayns e spyrryd liorish ny chied phadeyryn: er-y-fa shen haink jymmoose vooar orroo voish Chiarn ny flaunyssee.

Zechariah 8:14

Son myr shoh ta Chiarn ny flaunyssee dy ghra, Myr va mee kiarit dy cherraghey shiu, tra ren nyn ayraghyn mish y vrasnaghey gys corree, ta Chiarn ny flaunyssee dy ghra, as cha ren mee meiyghey;