Ruth 4:6 - Yn Vible Casherick 1775 1819

⁶ As dooyrt yn dooinney-mooinjerey, Cha voddym feaysley eh er my hon hene, fegooish jannoo assee da m’eiraght hene: ta mee livrey seose my chairys hood’s, son cha vel mee son feaysley eh.

Ruth 4:6 ပူးပေါင်းရင်းမြစ်များ

Genesis 38:8

As dooyrt Judah rish Onan, Lhie marish ben dty vraarey, as poose ee, as trog seose sluight da dty vraar.

Leviticus 25:25

My ta dty vraar er jeet dy ve boght, as er chreck ersooyl kuse jeh e eiraght, as my hig veg jeh e chynney dy eaysley eh, eisht bee cairys-feaysley echeysyn jeh shen ny chreck e vraar.

Deuteronomy 25:7

As mannagh vel e haitnys dy phoosey ben e vraarey, eisht lhig da ben e vraarey goll gys giat y chanstyr, as gra Ta braar my heshey gobbal dy reayll seose ennym e vraar ayns Israel, cha jean eh cooilleeney currym braarey my heshey.

Deuteronomy 25:8

Eisht nee shanstyr yn ard-valley sumney, eh, as loayrt rish: as my nee eh shassoo magh; as gra, Cha nee m’aigney eh dy ghoaill ee:

Deuteronomy 25:9

Eisht hig ben e vraarey huggey, ayns fenish y chanstyr, as nee ee e vraag y eaysley jeh e chass, as nee ee shelley y cheau ’sy e eddin, as gansoor, as gra, Shoh myr vees eh jeant rish y dooinney, nagh jean cummal seose thie e vraarey.

Ruth 2:20

As dooyrt Naomi rish yn inneen-’sy-leigh eck, Bannit dy row eshyn jeh’n Chiarn, nagh vel er vreayll e chenjallys veih ny bio, ny veih ny merriu. As dooyrt Naomi r’ee, Ta’n dooinney faggys mooinjerys dooin, fer jeh nyn gynney sniessey.

Ruth 3:13

Fuirree noght raad t’ou, as mairagh, my nee eh cooilleeney currym dooinney-mooinjerey, s’mie te; lhig da shen y yannoo: agh my obbys eh dy chooilleeney currym dooinney-mooinjerey, eisht, myr ta’n Chiarn bio, neem’s yn currym shen ’chooilleeney: lhie sheese derrey’n voghrey.

Ruth 3:9

As dooyrt eh, Quoi oo-hene? As dansoor ee, She mish Ruth dty inney-veyl; gow mee er-y-fa shen fo dty choadey, son t’ou faggys mooinjerys dou.