Ruth 4:5 - Yn Vible Casherick 1775 1819

⁵ Eisht dooyrt Boaz, Er y laa t’ou kionnaghey’n thalloo veih laue Naomi shegin dhyt myrgeddin kionnaghey eh veih Ruth yn Moabitess, ben y varroo, dy chummal seose ennym y varroo ’syn eiraght echey.

Ruth 4:5 ပူးပေါင်းရင်းမြစ်များ

Genesis 38:8

As dooyrt Judah rish Onan, Lhie marish ben dty vraarey, as poose ee, as trog seose sluight da dty vraar.

Noo Mian 22:24

Gra, Vainshter, ta Moses er ghra, My ta dooinney geddyn baase gyn cloan, dy vel e vraar dy phoosey yn ven echey, as dy hroggal seose sluight gys e vraar.

Noo Luke 20:28

Gra, Vainshter, ta Moses er scrieu dooin, My ta braar dooinney erbee geddyn baase, as ben echey, as eh dy gheddyn baase gyn chloan, dy vel e vraar dy phoosey yn ven echey, as dy hroggal seose sluight gys e vraar.

Deuteronomy 25:7

As mannagh vel e haitnys dy phoosey ben e vraarey, eisht lhig da ben e vraarey goll gys giat y chanstyr, as gra Ta braar my heshey gobbal dy reayll seose ennym e vraar ayns Israel, cha jean eh cooilleeney currym braarey my heshey.