Ruth 4:4 - Yn Vible Casherick 1775 1819

⁴ As va mee booiagh fys y ve ayd er, gra rhyt, Kionnee eh fenish ny cummaltee, as fenish shanstyr my phobble. My nee oo feaysley eh, jean shen; agh mannagh vel oo son feaysley eh, abbyr shen, dy vod fys’ve aym cree nee’m: son cha vel fer dy eaysley eh agh oo-hene; as ta mish dty yeï. As dooyrt eh, Neem’s feaysley eh.

Ruth 4:4 ပူးပေါင်းရင်းမြစ်များ

Genesis 23:11

Cha nee myr shen, my Hiarn; eaisht rhym: yn magher ta mee coyrt dhyt, as yn ooig t’ayn, ta mee coyrt dhyt; fenish mec my phobble, ta mee dy choyrt dhyt eh: jean dty varroo y oanluckey.

Genesis 23:18

Da Abraham, son possession, ayns fenish cloan Heth, kiongoyrt rish ooilley ny hie stiagh er giat yn ard-valley.

Jeremiah 32:25

As t’ou er ghra rhym, O Hiarn Yee, kionnee yn magher son argid, as gow feanishyn; ga dy vel yn ard-valley er ny choyrt gys laue ny Caldeanee.

Romanee 12:17

Ny jean-jee olk son olk y chooilleeney da dooinney erbee. Kiare-jee ro-laue dy yannoo reddyn onneragh ayns shilley dy chooilley ghooinney.

2 Corinthianee 8:21

Kiarail ro-laue reddyn onneragh, cha nee ny-lomarcan ayns shilley’n Chiarn, agh myrgeddin ayns shilley gheiney.

Deuteronomy 25:8

Eisht nee shanstyr yn ard-valley sumney, eh, as loayrt rish: as my nee eh shassoo magh; as gra, Cha nee m’aigney eh dy ghoaill ee:

Philippianee 4:8

Ayns focklyn giarey, my chaarjyn, cre-erbee ny reddyn ta firrinagh, cre-erbee ny reddyn ta ooasle, cre-erbee ny reddyn ta cairagh, cre-erbee ny reddyn ta glen, cre-erbee ny reddyn ta graihoil, cre-erbee ny reddyn ta jeh goo mie; my ta foays erbee, as my ta moylley erbee, smooinee-jee er ny reddyn shoh.

Ruth 2:20

As dooyrt Naomi rish yn inneen-’sy-leigh eck, Bannit dy row eshyn jeh’n Chiarn, nagh vel er vreayll e chenjallys veih ny bio, ny veih ny merriu. As dooyrt Naomi r’ee, Ta’n dooinney faggys mooinjerys dooin, fer jeh nyn gynney sniessey.

Ruth 3:12

As nish, spheer eh dy vel mish my ghooinney-mooinjerey faggys dhyt: agh ta dooinney-mooinjerey ayn ny sniessey na mish.

Ruth 3:9

As dooyrt eh, Quoi oo-hene? As dansoor ee, She mish Ruth dty inney-veyl; gow mee er-y-fa shen fo dty choadey, son t’ou faggys mooinjerys dou.