Ruth 4:12 - Yn Vible Casherick 1775 1819

¹² As dy bee dty hie’s goll-rish thie Pharez, (ren Tamar y ymmyrkey da Judah,) jeh’n sluight ver y Chiarn dhyt jeh’n ven aeg shoh.

Ruth 4:12 ပူးပေါင်းရင်းမြစ်များ

Genesis 38:29

As haink eh gy-kione, myr hayrn eh back e laue, cur-my-ner, dy daink e vraar magh: as dooyrt ee, Kys t’ou uss er vrishey magh. Ort hene dy row’n brishey shoh: shen-y-fa v’eh enmyssit Pharez.

Genesis 46:12

As mec Yudah; Er, as Onan, as Shelah, as Pharez, as Zerah; agh hooar Er as Onan baase ayns cheer Chanaan. As mec Pharez, va Hezron as Hamul.

1 Recortyssyn 2:4

As Tamar e inneen-’sy-leigh, dymmyrk ee da Pharez, as Zerah. Ooilley mec Yudah v’ad queig.

Malachi 2:15

As nagh ren eh croo agh unnane? ga dy row pooar sodjey echey; as cre’n-fa unnane? agh dy gheddyn sluight chrauee: gow-jee er-y-fa shen tastey jeh nyn spyrryd, as ny lhig da fer erbee dellal dy molteyragh noi ben e aegid.

Noo Mian 1:3

As hooar Judas Phares as Zarah rish Thamar, as hooar Phares Esrom, as hooar Esrom Aram.

Ruth 4:18

Nish ad shoh sheelogheyn Pharez: hooar Pharez Hezron,

1 Samuel 2:20

As ren Eli Elkanah as e ven y vannaghey, gra, Dy der y Chiarn dhyt sluight jeh’n ven shoh, son yn eeasaght t’ou er choyrt da’n Chiarn. As hie ad rhymboo gys nyn gummal hene.