Ruth 4:11 - Yn Vible Casherick 1775 1819

¹¹ As dooyrt ooilley’n pobble v’ayns y whaiyl, as ny briwnyn, Ta shin feanishyn: dy der y Chiarn er y ven ta er jeet stiagh ayns dty hie dy ve myr Rachel as myr Leah, ad shoh nyn-neesht ren soiaghey seose thie Israel: as dy bee oo onnoroil ayns Ephratah, as ooasle ayns Beth-lehem:

Ruth 4:11 ပူးပေါင်းရင်းမြစ်များ

Genesis 23:10

As ren Ephron cummal mastey cloan Heth, as dreggyr Ephron yn Hittite Abraham, ayns clashtyn cloan Heth, as ooilley cummaltee yn ard-valley echey, gra,

Genesis 24:60

As vannee ad Rebekah as dooyrt ad r’ee, T’ ou uss nyn shuyr; bee uss moir thousaneyn dy villaghyn, as lhig da dty luight possession y ghoaill jeh giat nyn noidyn.

Genesis 29:16

As va daa inneen ec Laban: va ennym yn unnane shinney Leah, as ennym yn unnane saa Rachel.

Genesis 29:25

As haink eh gy-kione, ’sy voghrey, cur-my-ner, dy nee Leah v’ayn: as dooyrt eh rish Laban, Cre shoh t’ou er n’yannoo rhym? nagh nee son Rachel hirveish mee oo? cre’n-fa eisht t’ou er my volley?

Genesis 29:32

As ren Leah gientyn as gymmyrkey mac as denmys ee eh Reuben: son dooyrt ee, Son shickyrys ta’n Chiarn er yeeaghyn er my heaghyn; nish er-y-fa shen, ver my heshey graih dou.

Genesis 35:23

Mec Leah; Reuben mac shinney Yacob, as Simeon, as Levi, as Judah, as Issachar, as Zebulun.

Genesis 35:24

Mec Rachel: Joseph as Benjamin.

1 Reeaghyn 21:8

Er shoh ren ee screeunyn ayns ennym Ahab, as seal ee ad lesh yn seal echey, as hug ee ny screeunyn gys y chanstyr, as gys ny ard-gheiney va cummal ayns e ard-valley marish Naboth.

1 Recortyssyn 2:51

Salma ayr Veth-lehem, Hareph ayr Beth-gader.

Psalmyn 132:6

Cur-my-ner, cheayll shin jeh ec Ephratah: as hooar shin eh ayns y cheyll.

Raaghyn Creeney 14:1

Ta dy chooilley ven chreeney cummal seose e thie: agh ta’n unnane ommijagh dy phluckey neose eh lesh e laueyn.

Raaghyn Creeney 31:23

Ta’n sheshey eck cronnal ayns y whaiyl, tra t’eh ny hoie mastey shanstyr ny cheerey.

Jeremiah 32:10

As hug mee my laue as seal gys y vargane, as ghow mee feanishyn, as howse mee yn argid da ayns ny meihaghyn.

Micah 5:2

Agh uss, Veth-lehem Ephratah, myr s’fardalagh oo mastey thousaneyn Yudah, ny-yeih assyd hig magh hym ESHYN ta dy ve yn ard-reiltagh ayns Israel: ta’n goll-magh echey er ny ve er-dy-rieau, veih earishyn dy bragh farraghtyn.

Noo Mian 2:6

As uss Vethlehem ayns cheer Yudea, cha nee oo sloo ta mastey princeyn Yuda: son assyd’s hig Kiannoort nee reill my phobble Israel.

Deuteronomy 25:7

As mannagh vel e haitnys dy phoosey ben e vraarey, eisht lhig da ben e vraarey goll gys giat y chanstyr, as gra Ta braar my heshey gobbal dy reayll seose ennym e vraar ayns Israel, cha jean eh cooilleeney currym braarey my heshey.

Deuteronomy 25:9

Eisht hig ben e vraarey huggey, ayns fenish y chanstyr, as nee ee e vraag y eaysley jeh e chass, as nee ee shelley y cheau ’sy e eddin, as gansoor, as gra, Shoh myr vees eh jeant rish y dooinney, nagh jean cummal seose thie e vraarey.

Ruth 1:2

As va ennym yn dooinney Elimelech, as ennym yn ven Naomi, as ennym e ghaa vac Mahlon as Chilion, Ephrathiteyn jeh Beth-lehem-judah: as haink ad gys cheer Voab, as duirree ad ayns shen.