Ruth 4:10 - Yn Vible Casherick 1775 1819

¹⁰ Marish shoh, Ruth yn Moabitess, ben Mahlon, ta mee er chionnaghey dy ve my ven’s, dy chummal seose ennym y varroo ayns e eiraght, nagh bee ennym y varroo er ny yiarey jeh veih mastey e vraaraghyn, as veih giat e phobble: ta shiu nyn veanishyn yn laa jiu.

Ruth 4:10 ပူးပေါင်းရင်းမြစ်များ

Genesis 29:27

Jean magh shiaghtin ny banshey, as ver mayd dhyt ee shoh myrgeddin, son y chirveish nee uss dou shiaght bleeaney sodjey.

Genesis 38:9

As va fys ec Onan, nagh beagh y sluight enmyssit ersyn: as haink eh gy-kione, tra hie eh stiagh gys ben e vraarey, dy lhig eh er y thalloo eh, er-chee nagh droggagh eh sluight da e vraar.

Psalmyn 109:15

As shoh, son nagh row e aigney dy yannoo mie: agh ren eh tranlaase er y voght gyn cooney, dy voddagh eh eshyn y stroie va seaghnit ayns cree.

Psalmyn 34:16

Ta eddin y Chiarn noi ocsyn ta jannoo olk: dy chur ass ny fraueyn yn chooinaghtyn oc veih eaghtyr y thallooin.

Raaghyn Creeney 18:22

Quoi-erbee ta geddyn ben (vie) t’eh geddyn gioot mie, as cosney bannaght veih’n Chiarn.

Raaghyn Creeney 19:14

Ta thieyn as berchys eiraght ayraghyn: as ta ben lowal veih’n Chiarn.

Isaiah 48:19

Veagh dty chloan myrgeddin er ny ve myr y gheinnagh, as sluight dty chorp myr genniagh-gharroo ny marrey; cha beagh e ennym er ny ve giarit jeh ny er ny stroie veih kiongoyrt rhym.

Hosea 12:12

As ren Jacob chea gys cheer Syria, as ren Israel failley eh-hene son ben, as son ben v’eh ny vochilley keyrragh.

Hosea 3:2

Er shoh chionnee mee dou hene ee son queig peeshyn jeig dy argid, as son homer dy oarn, as son lieh homer dy oarn.

Zechariah 13:2

As hig eh gy-kione ta Chiarn ny flaunyssee dy ghra, dy giare-ym jeh ennym ny jallooyn ass y cheer, as cha bee cooinaghtyn sodjey jeu: as neem’s scughey myrgeddin ny phadeyryn, as y spyrryd neu-ghlen ass y cheer.

Malachi 2:14

Foast ta shiuish gra, Cre’n-oyr? er-yn-oyr dy vel y Chiarn er ve feanish eddyr uss as ben dty aegid, noi eck t’ou er ghellal dy foalsey: foast she dty heshey ee, as ben dty vreearrey.

Ephesianee 5:25

Gheiney-poost, cur-jee graih da ny mraane eu, dy jarroo myr hug Creest myrgeddin graih da’n agglish, as hug eh-hene er e son:

Deuteronomy 25:6

As nee’n chied lhiannoo ver ee son y theihll, fo ennym yn braar ta marroo, cheet stiagh ’syn eiraght, nagh bee’n ennym echey caillit ayns Israel.

Hebrewnee 13:4

Ta poosey onnoroil ayns ooilley, as y lhiabbee gyn-loght: agh maarderee as adsyn ta brishey-poosey nee Jee briwnys.

Joshua 7:9

Son nee ny Canaaniteyn, as ooilley cummaltee ny cheerey, clashtyn jeh, as nee ad shin y chruinnaghey mygeayrt, as giarey jeh yn ennym ain veih’n thalloo: as cre nee uss er son gloyr dty ennym mooar hene?

Ruth 4:9

As dooyrt Boaz rish y chanstyr, as rish ooilley’n pobble, Ta shiuish nyn veanishyn er y laa shoh, dy vel mish er chionnaghey ooilley ny va lesh Elimelech, as ooilley ny va lesh Chilion as Mahlon, veih laue Naomi.