Ruth 4:1 - Yn Vible Casherick 1775 1819

¹ Eisht hie Boaz seose gys giat yn ard-valley, as hoie eh sheese ayns shen: as cur-my-ner, haink y dooinney-mooinjerey shaghey, ren Boaz gimraa er; rishyn dooyrt eh, Ho, lheid y fer! shass stiagh, soie sheese ayns shoh. As hass eh stiagh, as hoie eh sheese.

Ruth 4:1 ပူးပေါင်းရင်းမြစ်များ

Genesis 19:1

As haink daa ainle gys Sodom ’syn astyr: as va Lot ny hoie ayns giat Sodom: as tra honnick Lot ad, dirree eh seose dy gholl nyn guail, as chroym eh sheese e eddin lesh y thalloo.

Genesis 23:10

As ren Ephron cummal mastey cloan Heth, as dreggyr Ephron yn Hittite Abraham, ayns clashtyn cloan Heth, as ooilley cummaltee yn ard-valley echey, gra,

Genesis 34:20

As haink Hamor as Shechem e vac gys giat yn ard-valley oc, gra.

2 Samuel 15:2

As dirree Absalom dy moghey, as hass eh ayns giat ny cooyrtey: as shoh myr ve, tra haink dooinney erbee va shuit-leigh echey gys y ree son briwnys, eisht dy deïe Absalom er, as dooyrt eh, Cre’n ard-valley t’ou uss jeh? As dooyrt eh, Ta dty harvaant fer jeh lheid y tribe shen ayns Israel.

2 Recortyssyn 18:9

As hoie ree Israel as Jehoshaphat ree Yudah, dagh unnane er e stoyl-reeoil, ayns nyn goamraghyn reeoil, as v’ad nyn soie ’sy chooyrt foshlit ec giat Samaria, as ren ooilley ny phadeyryn phadeyrys y yannoo kiongoyrt roo.

Lioar Yob 29:7

Tra hie mee magh er y yiat, trooid yn ard-valley, tra hoie mee er y stoyl-briwnys ’sy traid;

Lioar Yob 31:21

My ta mee er hroggal seose my laue noi’n chloan gyn ayr, tra honnick mee dy row ad feme cooney ’sy whaiyl;

Psalmyn 69:12

T’adsyn ta soie ’sy yiat loayrt m’oï: as ta’n vooinjer veshtal jannoo ronneeaght orrym.

Raaghyn Creeney 31:23

Ta’n sheshey eck cronnal ayns y whaiyl, tra t’eh ny hoie mastey shanstyr ny cheerey.

Isaiah 55:1

Ho, dagh unnane ta paagh, tar-jee gys ny ushtaghyn, as eshyn ta gyn argid; tar-jee, kionnee-jee as ee-jee; dy jarroo, tar-jee, kionnee-jee feeyn as bainney fegooish argid, as fegooish leagh.

Jeremiah 32:10

As hug mee my laue as seal gys y vargane, as ghow mee feanishyn, as howse mee yn argid da ayns ny meihaghyn.

Amos 5:15

Bee-jee dwoaiagh er yn olk, as aggindagh er y vie, as jean-jee briwnys y niartaghey ayns y yiat: foddee dy bee yn Chiarn Jee ny flaunyssee, graysoil da fooilliagh Yoseph.

Zechariah 2:6

Ho, ho, tar-jee magh, as chea-jee veih cheer y twoaie, ta’n Chiarn dy ghra: son ta mee er skeayley shiu co-lhean rish kiare geayghyn yn aer, ta’n Chiarn dy ghra.

Deuteronomy 16:18

Briwnyn as fir-oik nee oo y phointeil dhyt hene ayns ooilley dty yiattyn, ta’n Chiarn dty Yee dy choyrt dhyt trooid magh dty hribeyn: as nee adsyn briwnys kiart y hirveish er y pobble.

Deuteronomy 17:5

Eisht ver oo lhiat magh yn dooinney ny’n ven shen (t’er n’yannoo yn drogh obbyr shoh) gys dty yiattyn, eer yn dooinney ny’n ven cheddin: as nee oo claghey dy baase ad lesh claghyn.

Deuteronomy 21:19

Nee eisht e ayr as e voir greme y ghoaill er, as ver ad lhieu eh fenish shanstyr e ard-valley, as gys giat ny quaallagh:

Deuteronomy 25:7

As mannagh vel e haitnys dy phoosey ben e vraarey, eisht lhig da ben e vraarey goll gys giat y chanstyr, as gra Ta braar my heshey gobbal dy reayll seose ennym e vraar ayns Israel, cha jean eh cooilleeney currym braarey my heshey.

Joshua 20:4

As tra nee eshyn ta roie er-chea gys unnane jeh ny ard-valjyn shen, shassoo ec giat yn ard-valley, as soilshaghey e chooish ayns clashtyn chanstyr yn ard-valley shen, gowee ad stiagh eh gys yn ard-valley, as ver ad fastee da ny mast’ oc.

Ruth 3:12

As nish, spheer eh dy vel mish my ghooinney-mooinjerey faggys dhyt: agh ta dooinney-mooinjerey ayn ny sniessey na mish.

Ruth 3:18

Eisht dooyrt ee, Fark ort, my inneen, derrey hee mayd kys hed y chooish: son cha bee fea er y dooinney derrey vees eh er y laa shoh er chooilleeney e yialdyn.