Ruth 3:9 - Yn Vible Casherick 1775 1819

⁹ As dooyrt eh, Quoi oo-hene? As dansoor ee, She mish Ruth dty inney-veyl; gow mee er-y-fa shen fo dty choadey, son t’ou faggys mooinjerys dou.

Ruth 3:9 ပူးပေါင်းရင်းမြစ်များ

Ezekiel 16:8

Nish tra hie mee shaghyd, as tra yeeagh mee ort, cur-my-ner v’ou ec eash lowal-poosee, as ren mee dty phoosey, as choodee mee dty nearey, dy feer, hug mee dhyt my vreearrey, as ren mee conaant rhyt, ta’n Chiarn Jee dy ghra, as haink oo dy ve lhiam pene.

Noo Luke 14:11

Son quoi-erbee ta dy hoiaghey eh-hene seose, bee eh er ny injillaghey; as eshyn ta dy injillaghey eh-hene, bee eh er ny hoiaghey seose.

Ruth 2:20

As dooyrt Naomi rish yn inneen-’sy-leigh eck, Bannit dy row eshyn jeh’n Chiarn, nagh vel er vreayll e chenjallys veih ny bio, ny veih ny merriu. As dooyrt Naomi r’ee, Ta’n dooinney faggys mooinjerys dooin, fer jeh nyn gynney sniessey.

Ruth 3:10

As dooyrt eh, Bannit dy row uss jeh’n Chiarn, my inneen; son t’ou er yeeaghyn ny smoo dy chenjallys ’sy chooish s’jerree shoh na ec y toshiaght, fakin nagh deiyr oo er deiney aegey, berchagh ny boght.

Ruth 3:12

As nish, spheer eh dy vel mish my ghooinney-mooinjerey faggys dhyt: agh ta dooinney-mooinjerey ayn ny sniessey na mish.

Ruth 3:8

As haink eh gy-kione ec y vean-oie, dy row’n dooinney agglit, as dennee eh, as cur-my-ner, va ben ny lhie ec e chassyn.

Ruth 4:4

As va mee booiagh fys y ve ayd er, gra rhyt, Kionnee eh fenish ny cummaltee, as fenish shanstyr my phobble. My nee oo feaysley eh, jean shen; agh mannagh vel oo son feaysley eh, abbyr shen, dy vod fys’ve aym cree nee’m: son cha vel fer dy eaysley eh agh oo-hene; as ta mish dty yeï. As dooyrt eh, Neem’s feaysley eh.

Ruth 4:6

As dooyrt yn dooinney-mooinjerey, Cha voddym feaysley eh er my hon hene, fegooish jannoo assee da m’eiraght hene: ta mee livrey seose my chairys hood’s, son cha vel mee son feaysley eh.

1 Samuel 25:41

As hass ee seose, as chroym ee e eddin gys y thalloo, as dooyrt ee, Cur-my-ner, lhig da dty inney-veyl ve sharvaant dy niee cassyn sharvaantyn my hiarn.