Ruth 3:7 - Yn Vible Casherick 1775 1819

⁷ As tra va Boaz er n’ee as er n’iu, as y cree echey gennal, hie eh dy lhie sheese ec kione y dash-arroo: as haink ee dy aashagh, as lhie ee sheese ec e chassyn.

Ruth 3:7 ပူးပေါင်းရင်းမြစ်များ

Genesis 43:34

As ghow eh, as hug eh lhongaghyn daue jeh’n beaghey va kiongoyrt rish hene: agh va ayrn Venjamin queig keayrtyn wheesh as shen jeh’n eallagh elley: As diu ad, as v’ad gennal mârish.

2 Samuel 13:28

Nish va Absalom er churmal e harvaantyn, gra, Gow-jee tastey nish, tra vees cree Amnon gennal lesh feeyn, as tra jir-yms riu, Bwoaill-jee Amnon; eisht marr-jee eh; ny bee aggle erriu: nagh nee mish t’er n’oardaghey shiu? bee-jee creeoil, as prow-jee dunnal.

1 Reeaghyn 21:7

As dooyrt Jezebel e ven rish, Vel uss nish reill reeriaght Israel? Irree as gow beaghey, as lhig da dty chree ve gennal: ver-yms dhyt garey-feeyney Naboth yn Jezreelite.

Esther 1:10

Er y chiaghtoo laa, tra va cree yn ree gennal lesh feeyn, doardee eh Mehuman, Biztha, Harbona, Bigtha, as Abagtha, Zethar, as Carcas, ny shiaght ard fir-oik, va shirveish fenish Ahasuerus yn ree,

Psalmyn 104:15

Dy vod eh beaghey y chur lesh magh ass y thalloo, as feeyn ta gerjaghey cree dooinney: as ooil dy chur da eddin ghennal, as arran dy niartaghey cree dooinney.

Ecclesiastes 10:19

Ta cuirraghyn jeant son gennallys, as ta feeyn jannoo gerjaghey’n chree: agh ta argid gansoor dy chooilley nhee.

Ecclesiastes 2:24

Cha vel nhee erbee ny share da dooinney na dy ee as dy iu, as e annym dy ghoaill soylley jeh foays e laboraght. Honnick mee myrgeddin, dy nee veih laue Yee ta shoh.

Ecclesiastes 8:15

Eisht voyll mee gien mie, er-yn-oyr nagh vel nhee erbee share ec dooinney fo’n ghrian, na dy ee, as dy iu, as dy ve gennal: son nee shen tannaghtyn mârish jeh e laboraght, laghyn e vea, ta Jee cur da fo’n ghrian.

Ecclesiastes 9:7

Immee royd, ee dty arran lesh boggey, as iu dty eeyn lesh cree gennal, son ta Jee nish jannoo soiagh jeh dty obbraghyn.

1 Corinthianee 10:31

Shen-y-fa edyr shiu ve gee ny giu, ny cre-erbee ta shiu dy yannoo, jean-jee ooilley gys gloyr Yee.

Ephesianee 5:18

As ny bee-jee er-meshtey lesh feeyn, ayn ta neu-heeltys; agh bee-jee er nyn lhieeney lesh y Spyrryd;

Briwnyn 16:25

As haink eh gy-kione, tra va ny creeaghyn oc gennal, dy dooyrt ad, Eïe-jee er Samson, dy yannoo aittys dooin. As deïe ad er Samson ass y phryssoon; as v’eh son gamman daue: as hoie ad eh eddyr ny pillaryn.

Briwnyn 19:22

Nish myr v’ad jannoo mooar jeu hene, cur-my-ner, ren shiartanse jeh deiney’n valley, mec Velial, chionney mysh y thie, as woaill ad ’sy dorrys, as loayr ad rish y chenn ghooinney, mainshtyr y thie, gra, Cur magh hooin yn dooinney shen haink stiagh gys dty hie, dy vod enney ’ve ain er.

Briwnyn 19:6

As hoie ad sheese cooidjagh, as ren ad gee as giu: son va ayr y ven aeg er ghra rish y dooinney, Fuirree raad t’ou, ta mee guee ort, fud-ny-hoie, as lhig da dty chree ve gennal.

Briwnyn 19:9

As tra hrog y dooinney er dy gholl roish, eh-hene, as e cho-lhiabbagh, as e er-mooinjerey, dy dooyrt e ayr-’sy-leigh, ayr y ven aeg, rish, Cur-my-ner, te nish lesh yn astyr; ta mee guee ort fuirree fud-ny-hoie: t’ou fakin dy vel eh lesh yn anmys; gow aaght ayns shoh, dy vod dty chree ve gennal, as moghrey mairagh gow-jee er nyn yurnah, dy vod oo goll thie.

Ruth 3:6

As hie ee sheese gys y laare, as ren ee cordail rish ooilley ny doardee e moir-’sy-leigh jee.

Ruth 3:8

As haink eh gy-kione ec y vean-oie, dy row’n dooinney agglit, as dennee eh, as cur-my-ner, va ben ny lhie ec e chassyn.