Ruth 3:14 - Yn Vible Casherick 1775 1819

¹⁴ As lhie ee sheese ec e chassyn derrey’n voghrey; as ren ee girree my b’leayr da sleih y cheilley. As dooyrt eh, Ny lhig da fys’ve ec unnane erbee dy daink ben stiagh ’sy laare-vooie.

Ruth 3:14 ပူးပေါင်းရင်းမြစ်များ

Ecclesiastes 7:1

Ta goo mie ny share na ooil chostal: as laa yn vaaish ny share na’n laa ruggyr oo.

Romanee 12:17

Ny jean-jee olk son olk y chooilleeney da dooinney erbee. Kiare-jee ro-laue dy yannoo reddyn onneragh ayns shilley dy chooilley ghooinney.

Romanee 14:16

Ny lhig da’n mie euish eisht ve loayrit dy olk jeh.

1 Corinthianee 10:32

Ny cur-jee oyr erbee dy huittym ayns peccah, edyr da ny Hewnyn, ny da ny Ashoonyn-quaagh, ny da agglish Yee:

2 Corinthianee 8:21

Kiarail ro-laue reddyn onneragh, cha nee ny-lomarcan ayns shilley’n Chiarn, agh myrgeddin ayns shilley gheiney.

1 Thessalonianee 5:22

Freill-jee shiu hene veih dy chooilley chaslys dy olkys.

1 Peddyr 2:12

Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh-yantee, dy vod ad liorish ny obbraghyn mie eu ver ad my-ner, Jee y ghloyraghey ayns laa yn chooilleen.

Ruth 3:15

Dooyrt eh myrgeddin, Cur lhiat y vreid ta ort, as cum eh rhym. As tra chum ee eh, hug eh ayn shey towseyn dy oarn, as hrog eh urree eh; as hie ee gys yn ard-valley.