Ruth 3:13 - Yn Vible Casherick 1775 1819

¹³ Fuirree noght raad t’ou, as mairagh, my nee eh cooilleeney currym dooinney-mooinjerey, s’mie te; lhig da shen y yannoo: agh my obbys eh dy chooilleeney currym dooinney-mooinjerey, eisht, myr ta’n Chiarn bio, neem’s yn currym shen ’chooilleeney: lhie sheese derrey’n voghrey.

Ruth 3:13 ပူးပေါင်းရင်းမြစ်များ

Jeremiah 12:16

As hig eh gy-kione, my nee ad gynsaghey dy kiaralagh raaidyn my phobble, dy crauee loo liorish my ennym’s, gra, Myr ta’n Chiarn bio; (myr dynsee ad my phobble dy loo liorish Baal;) eisht yiow ad cummal shickyr, eer ayns mean my phobble.

Jeremiah 4:2

As shoh myr nee oo loo y ghoaill, Myr ta’n Chiarn bio, ayns firrinys, ayns briwnys, as ayns ynrickys; as nee ny ashoonyn ad hene y vannaghey aynsyn, as aynsyn nee ad boggyssagh.

2 Corinthianee 1:23

Ny-sodjey, ta mee goaill Jee son feanish er m’annym, er coontey dy ymmyrkey lhieu nagh daink mee foast gys Corinth.

Hebrewnee 6:16

Son ta deiney dy jarroo loo liorishyn s’ooasle ta: as ta loo, dy niartaghey lesh yn irriney, coyrt dy chooilley streeu gys kione.

Briwnyn 8:19

As dooyrt eh, My vraaraghyn v’ad, eer mec my vayrey: myr ta’n Chiarn bio, dy beagh shiu er hauail yn vioys ocsyn, cha jinnin’s y vioys euish y ghoaill.

Ruth 2:20

As dooyrt Naomi rish yn inneen-’sy-leigh eck, Bannit dy row eshyn jeh’n Chiarn, nagh vel er vreayll e chenjallys veih ny bio, ny veih ny merriu. As dooyrt Naomi r’ee, Ta’n dooinney faggys mooinjerys dooin, fer jeh nyn gynney sniessey.

Ruth 3:12

As nish, spheer eh dy vel mish my ghooinney-mooinjerey faggys dhyt: agh ta dooinney-mooinjerey ayn ny sniessey na mish.

Ruth 4:5

Eisht dooyrt Boaz, Er y laa t’ou kionnaghey’n thalloo veih laue Naomi shegin dhyt myrgeddin kionnaghey eh veih Ruth yn Moabitess, ben y varroo, dy chummal seose ennym y varroo ’syn eiraght echey.

Ruth 4:6

As dooyrt yn dooinney-mooinjerey, Cha voddym feaysley eh er my hon hene, fegooish jannoo assee da m’eiraght hene: ta mee livrey seose my chairys hood’s, son cha vel mee son feaysley eh.