Ruth 3:12 - Yn Vible Casherick 1775 1819

¹² As nish, spheer eh dy vel mish my ghooinney-mooinjerey faggys dhyt: agh ta dooinney-mooinjerey ayn ny sniessey na mish.

Ruth 3:12 ပူးပေါင်းရင်းမြစ်များ

Noo Mian 7:12

Shen-y-fa dy chooilley nhee cre-erbee bailliuish deiney dy yannoo riuish, jean-jee shiuish y lheid cheddin roosyn: son shoh yn leigh as ny phadeyryn.

1 Thessalonianee 4:6

Nagh lhisagh dooinney erbee vondeish y ghoaill er e vraar as eh y voylley ayns cooish erbee: er-yn-oyr dy nee yn Chiarn ta goaill cooilleen er ooilley nyn lheid, myr ta shin er n’insh diu ro-laue, as er hoilshaghey.

Ruth 2:20

As dooyrt Naomi rish yn inneen-’sy-leigh eck, Bannit dy row eshyn jeh’n Chiarn, nagh vel er vreayll e chenjallys veih ny bio, ny veih ny merriu. As dooyrt Naomi r’ee, Ta’n dooinney faggys mooinjerys dooin, fer jeh nyn gynney sniessey.

Ruth 3:11

As nish, my inneen, ny bee aggle ort; neem’s er dty hon ooilley ny t’ou dy yeearree: son ta fys ec ooilley cummaltee’n ard-valley, dy vel oo ben onneragh.

Ruth 3:13

Fuirree noght raad t’ou, as mairagh, my nee eh cooilleeney currym dooinney-mooinjerey, s’mie te; lhig da shen y yannoo: agh my obbys eh dy chooilleeney currym dooinney-mooinjerey, eisht, myr ta’n Chiarn bio, neem’s yn currym shen ’chooilleeney: lhie sheese derrey’n voghrey.

Ruth 4:1

Eisht hie Boaz seose gys giat yn ard-valley, as hoie eh sheese ayns shen: as cur-my-ner, haink y dooinney-mooinjerey shaghey, ren Boaz gimraa er; rishyn dooyrt eh, Ho, lheid y fer! shass stiagh, soie sheese ayns shoh. As hass eh stiagh, as hoie eh sheese.

Ruth 4:4

As va mee booiagh fys y ve ayd er, gra rhyt, Kionnee eh fenish ny cummaltee, as fenish shanstyr my phobble. My nee oo feaysley eh, jean shen; agh mannagh vel oo son feaysley eh, abbyr shen, dy vod fys’ve aym cree nee’m: son cha vel fer dy eaysley eh agh oo-hene; as ta mish dty yeï. As dooyrt eh, Neem’s feaysley eh.