Ruth 3:1 - Yn Vible Casherick 1775 1819

¹ Eisht dooyrt Naomi e moir-’sy-leigh r’ee, My inneen, nagh vel eh lhie orrym’s dy gheddyn ynnyd-vaghee shickyr er dty hon, dy vod oo ve dy mie ’sy theihll?

Ruth 3:1 ပူးပေါင်းရင်းမြစ်များ

Genesis 40:14

Agh cooinee orrym’s, tra hig eh dy mie lhiat, as soilshee kenjallys, ta mee guee ort, dooys; as jean imraa jee’m rish Pharaoh, as livrey mee ass y thie shoh.

Psalmyn 128:2

Son nee oo gee jeh laboraght dty laueyn: O s’mie t’ou, as s’maynrey vees oo.

1 Corinthianee 7:36

Agh my ta dooinney erbee smooinaghtyn dy vel eh dy ymmyrkey eh-hene dy neu-yesh gys e voidyn, my t’ee er n’gholl harrish blaa yn eash eck, as eh ymmyrchagh myr shen dy ve, lhig da ’aigney y yannoo, cha vel eh jannoo peccah: lhig daue poosey.

Deuteronomy 4:40

Nee oo er-y-fa shen freayll e lattyssyn as e annaghyn ta mish dy harey dhyt’s jiu, dy vod oo hene ve maynrey, as dty chloan dty lurg, as dy vod dty laghyn ve foddey beayn ’sy cheer, ta’n Chiarn dty Yee coyrt dhyt.

1 Timothy 5:14

Saillym er-y-fa shen dy jean ny mraane saa poosey, cloan y ymmyrkey, yn thie y reill, gyn veg yn oyr y choyrt da’n noid dy loayrt dy scammyltagh.

1 Timothy 5:8

Agh mannagh vel fer erbee kiarail cour e vooinjer hene, as erskyn ooilley ny chour ocsyn ta jeh’n lught-thie echey hene, t’eh er n’obbal y credjue, as t’eh ny smessey na an-chreestee.

Ruth 1:9

Dy giall y Chiarn diu ny-neesht gerjagh y gheddyn ’sy thie ocsyn ta kiarit dy ve nyn sheshaghyn. Eisht phaag ee ad: as hrog ad seose nyn goraa, as ren ad keayney.

Ruth 2:23

Myr shen chum ee kinjagh marish mraane aegey Boaz dy yeelym gys jerrey’n fouyr-oarn, as y fouyr-churnagh; as ren ee baghey marish e moir-’sy-leigh.

Ruth 3:2

As nish, nagh vel Boaz, v’ou marish e vraane aegey, jeh’n kynney ain? cur-my-ner, t’eh fasney oarn yn fastyr shoh ’sy laare-vooie.