Ruth 2:8 - Yn Vible Casherick 1775 1819

⁸ Eisht dooyrt Boaz rish Ruth, Eaisht rhym, my inneen, ny gow dy yeeassyragh ayns magher erbee elley, chamoo scugh veih shoh, agh freill oo-hene er-gerrey da ny mraane aegey aym’s:

Ruth 2:8 ပူးပေါင်းရင်းမြစ်များ

2 Reeaghyn 5:13

As haink e harvaantyn er-gerrey, as loayr ad rish, as dooyrt ad, My ayr, dy beagh y phadeyr er chur royd red erbee doillee dy ve jeant, nagh beagh oo er n’yannoo eh? cre-woad sassey te eisht, tra t’eh gra rhyt, Niee, as bee oo glen?

Leviticus 19:9

As tra ta shiu buinn yn troar-arroo ’syn ouyr, cha jean oo buinn dy bollagh corneilyn dty vagher, chamoo nee oo chaglym jeeassyn y fouyr ayd.

Noo Mian 9:2

As cur-my-ner, hug ad lhieu huggey dooinney doghanit lesh y chingys-craaee, ny lhie er lhiabbee: as Yeesey goaill tastey jeh’n chredjue oc, dooyrt eh rish y varter, Vac, bee dy yien mie, ta dty pheccaghyn er ny leih dhyt.

Noo Mian 9:22

Agh hyndaa Yeesey mygeayrt, as tra honnick eh ee, dooyrt eh, Inneen bee dy yien mie; ta dty chredjue er dty laanaghey. As va’n ven er ny lheihys veih yn oor shen magh.)

Philippianee 4:8

Ayns focklyn giarey, my chaarjyn, cre-erbee ny reddyn ta firrinagh, cre-erbee ny reddyn ta ooasle, cre-erbee ny reddyn ta cairagh, cre-erbee ny reddyn ta glen, cre-erbee ny reddyn ta graihoil, cre-erbee ny reddyn ta jeh goo mie; my ta foays erbee, as my ta moylley erbee, smooinee-jee er ny reddyn shoh.

Ruth 2:7

As dooyrt ee, Ta mee guee erriu, lhig dou jeeassyragh geiyrt er ny beayneeyn fud ny bunneeyn: shoh myr haink ee, as t’ee er vuirriaght er-dyn voghrey derrey nish, agh dy jagh ee thie son tammylt.

Ruth 2:9

Lhig da dty hooillyn ve er y vagher t’adsyn dy vuinn, as gow uss geiyrt orroo: nagh vel mee er chur currym er ny deiney aegey, nagh jean ad dty lhiettal? as tra t’ou paagh, gow gys ny siyn, as iu jeh shen ny ta ny deiney aegey er hayrn.

1 Samuel 3:16

Eisht deïe Eli er Samuel, as dooyrt eh, Samuel my vac. As dreggyr eh, Ta mee ayns shoh.

1 Samuel 3:6

As deïe’n Chiarn reesht, Samuel. As dirree Samuel, as hie eh gys Eli, as dooyrt eh, Ta mee ayns shoh; son deïe oo orrym. As dreggyr eh, Cha deïe mish ort, my vac; lhie sheese reesht.