Ruth 2:6 - Yn Vible Casherick 1775 1819

⁶ As dansoor y stiurt va harrish ny beayneeyn, as dooyrt eh, She’n ven aeg t’ayn haink marish Naomi veih cheer Voab:

Ruth 2:6 ပူးပေါင်းရင်းမြစ်များ

Genesis 15:2

As dooyrt Abram, Hiarn Yee, cre ver oo dou, fakin dy vel mee gyn sluight, as stiurt my hie ta Eliezer shoh jeh Damascus.

Genesis 24:2

As loayr Abraham rish ard-stiurt e hie, va reill harrish ooilley ny v’echey, Cur dty laue, ta mee guee ort, fo my lheayst.

Genesis 39:4

As hooar Joseph foayr ’sy chilley echey, as ren eh shirveish da; as ren eh ny oaseir jeh harrish e hie, as ooilley ny v’echey hug eh fo e laue.

Noo Mian 20:8

Myr shen tra va’n fastyr er jeet, dooyrt chiarn y gharey-feeyney rish y stiurt echey, Eïe er ny labreeyn, as cur daue nyn vaill, goaill toshiaght veih yn vooinjer s’jerree gys y chied eallagh.

Noo Mian 24:45

Quoi eisht yn charvaant firrinagh as creeney shen, ta e Hiarn er n’yannoo ny er-reill er e vooinjer, dy chur daue nyn meaghey ayns traa cooie?

Ruth 1:16

As dooyrt Ruth, Ny jean m’y hionney dy hreigeil oo, as dy gholl roym: son raad erbee dy jed uss, hem’s mayrt; as raad nee uss aaght y ghoaill, goyms myrgeddin aaght: bee’n pobble ayd’s, yn pobble aym’s, as y Jee ayd’s, my Yee’s:

Ruth 1:19

Myr shen hie ad ny-neesht derrey haink ad gys Beth-lehem. As shen myr ve, tra v’ad er roshtyn gys Beth-lehem, dy daink ooilley’n ard-valley mygeayrt-y-moo, goaill yindys, as gra, Nee shoh Naomi?

Ruth 1:22

Myr shoh haink Naomi thie, as Ruth yn Moabitess, yn inneen-’sy-leigh eck, mâree, va er jeet veih cheer Voab: as haink ad gys Beth-lehem ayns toshiaght y fouyr-oarn.

Ruth 2:5

Eisht dooyrt Boaz rish y stiurt va harrish ny beayneeyn, Quoi’n ven aeg shoh?

Ruth 2:7

As dooyrt ee, Ta mee guee erriu, lhig dou jeeassyragh geiyrt er ny beayneeyn fud ny bunneeyn: shoh myr haink ee, as t’ee er vuirriaght er-dyn voghrey derrey nish, agh dy jagh ee thie son tammylt.