Ruth 2:4 - Yn Vible Casherick 1775 1819

⁴ As cur-my-ner, haink Boaz veih Beth-lehem, as dooyrt eh rish ny beayneeyn, Dy row yn Chiarn mêriu. As dreggyr ad, Dy jean y Chiarn dty vannaghey.

Ruth 2:4 ပူးပေါင်းရင်းမြစ်များ

Genesis 18:19

Son ta fys aym, dy der eh sarey da e chloan as e lught-thie ny yeï, as freillee ad raaidyn y Chiarn, dy yannoo cairys as briwnys; dy vod y Chiarn cooilleeney da Abraham shen ny t’eh er loayrt my-e-chione.

Genesis 28:3

As dy jean Jee ooilley-niartal uss y vannaghey, as dy giall eh dhyt’s dy ve messoil, as oo y vishaghey, as dy vod uss ve earroo dy leih.

1 Recortyssyn 2:51

Salma ayr Veth-lehem, Hareph ayr Beth-gader.

Psalmyn 118:26

Bannit t’eshyn ta cheet ayns Ennym y Chiarn: ta shin er vannaghey diuish ta jeh thie’n Chiarn.

Psalmyn 134:3

Trog-jee seose nyn laueyn ayns yn ynnyd casherick: as cur-jee moylley da’n Chiarn.

Jeremiah 31:23

Myr shoh ta Chiarn ny flaunyssee, Jee Israel, dy ghra, Nee ad foast gimraa ny goan shoh ayns cheer Yudah, as ayns ny ard-valjyn oc, tra nee’m yn chappeeys oc y hyndaa, Dy bannee yn Chiarn oo, O ynnyd-vaghee dy chairys, as y cronk dy chasherickys.

Earrooyn 6:24

Dy jean y Chiarn dty vannaghey, as dty reayll:

Noo Luke 1:28

As haink yn ainle stiagh as dooyrt eh r’ee, Dy vannee dhyt’s ta ayns ard-foayr, ta’n Chiarn mayrt; bannit t’ou uss mastey mraane.

2 Thessalonianee 3:16

Nish dy jean y Chiarn hene dy hee, shee ’choyrt diu dy kinjagh, er dy chooilley aght. Dy row yn Chiarn mêriu ooilley.

1 Timothy 6:2

As adsyn ta mainshteryn Creestee oc, ny lhig daue soiaghey beg jeu, er-yn-oyr dy nee braaraghyn ad: agh lhig daue shirveish ad ny s’arryltee, son dy vel ad jeh’n [un] chredjue, as ayns graih [Yee], goaill ayrn cooidjagh jeh’n bannaght. Ny reddyn shoh ynsee as coyrlee.

2 Timothy 4:22

Dy row yn Chiarn Yeesey Creest marish dty spyrryd. Grayse dy row mêriu. Amen.

Joshua 24:15

Agh my te noi nyn aigney dy hirveish yn Chiarn, reih-jee yn laa jiu quoi nee shiu y hirveish; edyr ny jeeghyn ren ny ayraghyn eu shirveish cheu elley jeh’n awin, ny jeeghyn ny Amoriteyn ’sy cheer oc ta shiu cummal: agh er my hon hene as my lught-thie, shirveish mayd y Chiarn.

Briwnyn 6:12

As haink ainle y Chiarn kionfenish da, as dooyrt eh rish, Ta’n Chiarn mayrt’s, uss ghooinney niartal caggee.

Briwnyn 6:16

As dooyrt y Chiarn rish, Shickyr beem’s mayrt, as nee oo bwoalley ny Midianiteyn myr dy beagh ad agh un dooinney.

Ruth 2:3

As hie ee ro-ee, as haink ee, as ren ee jeeassyragh ’sy vagher lurg ny beayneeyn: as haghyr ee er yn ayrn jeh’n vagher va lesh Boaz, va jeh kynney Elimelech.

Ruth 2:5

Eisht dooyrt Boaz rish y stiurt va harrish ny beayneeyn, Quoi’n ven aeg shoh?

Ruth 4:11

As dooyrt ooilley’n pobble v’ayns y whaiyl, as ny briwnyn, Ta shin feanishyn: dy der y Chiarn er y ven ta er jeet stiagh ayns dty hie dy ve myr Rachel as myr Leah, ad shoh nyn-neesht ren soiaghey seose thie Israel: as dy bee oo onnoroil ayns Ephratah, as ooasle ayns Beth-lehem:

1 Samuel 17:37

Dooyrt David ny-sodjey, Yn Chiarn ren mish y livrey ass croag y lion, as veih croag y vuc-awin, eshyn nee m’y livrey ass laue yn Philistine shoh. As dooyrt Saul rish David, Gow er dty hoshiaght, as y Chiarn dy row mayrt.