Ruth 2:23 - Yn Vible Casherick 1775 1819

²³ Myr shen chum ee kinjagh marish mraane aegey Boaz dy yeelym gys jerrey’n fouyr-oarn, as y fouyr-churnagh; as ren ee baghey marish e moir-’sy-leigh.

Ruth 2:23 ပူးပေါင်းရင်းမြစ်များ

Exodus 9:31

As hie yn lieen as yn oarn naardey; son va’n oarn my-yeish, as y lieen my-rass.

Raaghyn Creeney 13:1

Ta mac creeney clashtyn rish ynsagh e ayr: agh cha vel y craidoilagh cur geill da oghsan.

Raaghyn Creeney 13:20

Eshyn ta taaghey marish deiney creeney, bee eh creeney: agh bee sheshey ommydanyn currit naardey.

Noo Mark 14:66

As myr va Peddyr heese ayns halley yn ard-saggyrt, haink unnane jeh ny sharvaantyn,

1 Corinthianee 15:33

Ny bee-jee mollit; ta drogh heshaght cur mow ellyn mie.

Deuteronomy 16:9

Shiaght shiaghtinyn nee oo coontey dhyt hene: gow toshiaght dy choontey ny shiaghtinyn veih’n traa t’ou goaill toshiaght dy choyrt y chorran fo’n arroo.

Ruth 1:22

Myr shoh haink Naomi thie, as Ruth yn Moabitess, yn inneen-’sy-leigh eck, mâree, va er jeet veih cheer Voab: as haink ad gys Beth-lehem ayns toshiaght y fouyr-oarn.

Ruth 2:22

As dooyrt Naomi rish Ruth yn inneen-’sy-leigh eck, Te yn aght share dhyt, my inneen, dy gholl magh marish ny mraane aegey echeysyn, er-aggle nagh jean oo farrail cha mie ayns magher erbee elley.

Ruth 3:1

Eisht dooyrt Naomi e moir-’sy-leigh r’ee, My inneen, nagh vel eh lhie orrym’s dy gheddyn ynnyd-vaghee shickyr er dty hon, dy vod oo ve dy mie ’sy theihll?