Ruth 2:2 - Yn Vible Casherick 1775 1819

² As dooyrt Ruth yn Moabitess rish Naomi, Lhig dou nish goll gys y vagher, dy yeeassyragh geiyrt ersyn nee’n foayr shen y hoilshaghey dou. As dooyrt ee r’ee, Immee, my inneen.

Ruth 2:2 ပူးပေါင်းရင်းမြစ်များ

Genesis 32:6

As hyndaa ny chaghteryn gys Jacob, gra, Haink shin gys dty vraar Esau, as t’eshyn neesht cheet dty whail, as kiare cheead dooinney mârish.

Leviticus 19:10

As cha jean oo jeelym dty gharey-feeyney, chamoo nee oo chaglym dy bollagh dy chooilley verrish t’ayns dty gharey-feeyney; nee oo faagail ad gour y voght as y joarree: Mish y Chiarn y Jee eu.

Leviticus 19:16

Cha jed oo mygeayrt, myr skeealleyder mastey dty phobble: chamoo nee oo shassoo noi fuill dty naboo: Mish y Chiarn.

Leviticus 19:9

As tra ta shiu buinn yn troar-arroo ’syn ouyr, cha jean oo buinn dy bollagh corneilyn dty vagher, chamoo nee oo chaglym jeeassyn y fouyr ayd.

Leviticus 23:22

As tra ta shiu buinn fouyr y thallooin eu, cha jean oo buinn dy bollagh corneilyn dty vagher, chamoo nee oo chymsaghey ny jeeassyn: nee oo faagail shen da’n voght, as da’n joarree: Mish y Chiarn y Jee eu.

Ruth 2:3

As hie ee ro-ee, as haink ee, as ren ee jeeassyragh ’sy vagher lurg ny beayneeyn: as haghyr ee er yn ayrn jeh’n vagher va lesh Boaz, va jeh kynney Elimelech.

Ruth 2:7

As dooyrt ee, Ta mee guee erriu, lhig dou jeeassyragh geiyrt er ny beayneeyn fud ny bunneeyn: shoh myr haink ee, as t’ee er vuirriaght er-dyn voghrey derrey nish, agh dy jagh ee thie son tammylt.

1 Samuel 1:18

As dooyrt ee, Lhig da dt’inney-veyl geddyn foayr ayns dty hilley. Myr shen hie yn ven rhymbee, as ren ee gee, as cha row trimshey ny sodjey ry-akin urree.