Ruth 2:13 - Yn Vible Casherick 1775 1819

¹³ Eisht dooyrt ee, Lhig dou foayr y gheddyn ayns dty hilley, my hiarn; son dy vel oo er my gherjaghey, as dy vel oo er loayrt dy dooie rish dty inney-veyl, ga nagh vel mish dy ve soylit gys veg jeh dty harvaantyn.

Ruth 2:13 ပူးပေါင်းရင်းမြစ်များ

Genesis 32:6

As hyndaa ny chaghteryn gys Jacob, gra, Haink shin gys dty vraar Esau, as t’eshyn neesht cheet dty whail, as kiare cheead dooinney mârish.

Genesis 33:10

As dooyrt Jacob, Guee-ym ort, my ta mee nish er gheddyn foayr ayns dty hilley, gow eisht my yioot veih my laue: son er-y-fa shen ta mee er vakin dty eddin, myr dy beign er vakin eddin Yee; as t’ou er hoiaghey jee’m.

Genesis 33:15

As dooyrt Esau, Lhig dou nish faagail mayrt ayrn jeh’n cheshaght ta mârym: As dooyrt eh, Cha vel feme rish, lhig dou foayr y gheddyn ayns shilley my hiarn.

Genesis 33:8

As dooyrt eh, Cre t’ou kiarail, liorish ooilley yn imman shoh, haink my whail? As dooyrt eh, T’ad shoh dy voddym foayr y gheddyn ayns shilley my hiarn.

Genesis 34:3

As ren e chree lhiantyn gys Dinah inneen Yacob; as v’eh ayns graih rish y ven aeg, as loayr eh dy dooie r’ee.

Genesis 43:14

As dy der Jee ooilley-niartal diu foayr kiongoyrt rish y dooinney, dy vod eh lhiggey’n raad da nyn mraar elley, as Benjamin: my ta mee dy ve spooillit jeh my chloan bee’m spooillit.

2 Samuel 16:4

Eisht dooyrt y ree rish Ziba, Cur-my-ner, lhiat’s ta ooilley ny va bentyn da Mephibosheth. As dooyrt Ziba, Shoh ta mee dy imlee guee ort, dy voddym agh foayr y gheddyn ayns dty hilley, my hiarn, O ree.

Raaghyn Creeney 15:33

Ta aggle y Chiarn yn raad gys creenaght, as ta injillid leeideil gys ooashley.

Hosea 2:16

As er y laa shen, ta’n Chiarn dy ghra, nee oo genmys mish Ishi, as cha nee ny sodjey Baali.

Philippianee 2:3

Ny lhig da nhee erbee ve jeant trooid anvea, ny mooaralys, agh ayns injillid-aigney lhig da dagh unnane soiagh ’yannoo jeh feallagh elley roish hene.

Briwnyn 19:3

As dirree e sheshey, as hie eh geiyrt urree dy loayrt dy dooie r’ee, as dy ghoaill ee reesht, as va’n charvaant echey mârish, as daa assyl: as hug ish lh’ee stiagh eh gys thie e ayrey; as tra honnick ayr yn ven aeg eh, ghow eh lane boggey jeh.

Ruth 2:12

Dy jean y Chiarn dty chooilleeney son dty obbyr, as dy bee slane leagh er ny choyrt dhyt veih’n Chiarn Jee Israel, fo ny skianyn echey t’ou coyrt dty varrant.

Ruth 2:14

As dooyrt Boaz r’ee, Ec traa-lhongey tar uss ayns shoh, as gow greme d’arran, as thum eh ayns y vinegar. As hoie ee liorish ny beayneeyn; as hirveish eh ee lesh arroo greddanit, as ren ee gee, as va dy liooar eck, as fooilliagh.

1 Samuel 1:18

As dooyrt ee, Lhig da dt’inney-veyl geddyn foayr ayns dty hilley. Myr shen hie yn ven rhymbee, as ren ee gee, as cha row trimshey ny sodjey ry-akin urree.

1 Samuel 25:41

As hass ee seose, as chroym ee e eddin gys y thalloo, as dooyrt ee, Cur-my-ner, lhig da dty inney-veyl ve sharvaant dy niee cassyn sharvaantyn my hiarn.