Ruth 2:11 - Yn Vible Casherick 1775 1819

¹¹ As dreggyr Boaz as dooyrt eh r’ee, Ta slane toiggal aym jeh ooilley ny t’ou er n’yannoo son dty voir-’sy-leigh neayr’s baase dty heshey; as kys t’ou er n’aagail dty ayr as dty voir, as y cheer ayn v’ou ruggit, as er jeet mastey pobble joarree.

Ruth 2:11 ပူးပေါင်းရင်းမြစ်များ

2 Samuel 21:11

As ve er n’insh da David cre va Rizpah inneen Aiah, co-lhiabbagh Saul, er n’yannoo.

Psalmyn 45:10

Va inneenyn reeaghyn mastey dty vraane ooasle: er dty laue yesh hass y ven-reïn ayns coamrey dy airh, obbrit mygeayrt lesh caghlaaghyn daah.

Noo Luke 14:33

Myr shen myrgeddin quoi-erbee jiuish, nagh vel treigeil ooilley ny t’echey, cha vod eh ve ny eiyrtyssagh dooys.

Noo Luke 5:11

As tra v’ad er chur lhieu nyn lhongyn gys thalloo, hreig ad ooilley, as deiyr ad er.

Noo Luke 5:23

Quoi sassey dy ghra, Ta dty pheccaghyn er nyn leih dhyt, ny dy ghra, Irree seose as shooill?

Ruth 1:11

As dooyrt Naomi, Chyndaa-jee reesht, my chloan: cre hon hed shiu mârym’s? vel tooilley mec dy ve foast er my ymmyrkey, dy ve son sheshaghyn diu?

Ruth 2:10

Eisht chroym ee sheese lesh e eddin gys y thalloo, as dooyrt ee rish, Kys te dy vel mee er gheddyn yn foayr shoh ayns dty hilley, dy vel oo er ghoaill tastey jeem’s, nagh vel agh joarree?

Ruth 2:12

Dy jean y Chiarn dty chooilleeney son dty obbyr, as dy bee slane leagh er ny choyrt dhyt veih’n Chiarn Jee Israel, fo ny skianyn echey t’ou coyrt dty varrant.

Ruth 3:10

As dooyrt eh, Bannit dy row uss jeh’n Chiarn, my inneen; son t’ou er yeeaghyn ny smoo dy chenjallys ’sy chooish s’jerree shoh na ec y toshiaght, fakin nagh deiyr oo er deiney aegey, berchagh ny boght.

Ruth 4:15

As dy ve dhyt’s son lhiurid bea, as gerjagh dty henn eash: son dty inneen-’sy-leigh ta graihagh ort, as ish ny share dhyt na shiaght mec, ta er n’ymmyrkey eh.