Ruth 2:10 - Yn Vible Casherick 1775 1819

¹⁰ Eisht chroym ee sheese lesh e eddin gys y thalloo, as dooyrt ee rish, Kys te dy vel mee er gheddyn yn foayr shoh ayns dty hilley, dy vel oo er ghoaill tastey jeem’s, nagh vel agh joarree?

Ruth 2:10 ပူးပေါင်းရင်းမြစ်များ

Genesis 18:2

As hrog eh seose e hooillyn as yeeagh eh, as cur-my-ner, va three deiney nyn shassoo er-gerrey da: as tra honnick eh ad, roie eh nyn guail veih dorrys y chabbane, as chroym eh sheese eh hene lesh y thalloo.

2 Samuel 19:28

Son cha row ooilley thie m’ayrey agh deiney marroo kiongoyrt rish my hiarn y ree: ny-yeih hoie oo dty harvaant mastey goaldee dty voayrd hene. Cre’n chairys eisht t’aym’s dy yannoo aghin sodjey gys y ree?

2 Samuel 7:18

Eisht hie ree David stiagh, as hoie eh fenish y Chiarn, as dooyrt eh, Quoi mish, O Hiarn Yee? as cre ta my hie, dy vel oo er my hroggal gys shoh?

2 Samuel 9:8

As chroym eh eh-hene, as dooyrt eh, Cre ta dty harvaant, dy jinnagh oo jeeaghyn orrym’s nagh vel veg share na moddey marroo?

Leviticus 19:34

Agh bee’n joarree, ta cummal mêriu, diuish myr fer ruggit ny mast’ eu, as ver oo graih da myr dhyt hene; son va shiuish nyn yoarreeyn ayns cheer Egypt: Mish y Chiarn y Jee eu.

Noo Mian 25:35

Son va mee accryssagh, as hug shiu beaghey dou: va mee paagh, as hug shiu jough dou: va mee my yoarree, as ghow shiu stiagh mee:

Noo Luke 1:43

As kys ta’n [ooashley] aym, dy vel moir my Hiarn er jeet dy my yeeaghyn?

Noo Luke 1:48

Son t’eh er chur tastey da stayd injil e harvaant: son cur-my-ner, maghey shoh nee dy chooilley heeloghe mish y enmys bannit.

Romanee 12:10

Bee-jee jeh aigney dooie yn derrey yeh gys y jeh elley lesh graih braaragh, ayns onnor dagh unnane jannoo soiagh jeh fer elley roish hene.

Ruth 2:11

As dreggyr Boaz as dooyrt eh r’ee, Ta slane toiggal aym jeh ooilley ny t’ou er n’yannoo son dty voir-’sy-leigh neayr’s baase dty heshey; as kys t’ou er n’aagail dty ayr as dty voir, as y cheer ayn v’ou ruggit, as er jeet mastey pobble joarree.

Ruth 2:13

Eisht dooyrt ee, Lhig dou foayr y gheddyn ayns dty hilley, my hiarn; son dy vel oo er my gherjaghey, as dy vel oo er loayrt dy dooie rish dty inney-veyl, ga nagh vel mish dy ve soylit gys veg jeh dty harvaantyn.

Ruth 2:19

As dooyrt e moir-’sy-leigh r’ee, C’raad t’ou er ve jeeassyragh jiu? as c’raad v’ou ec obbyr? bannit dy row eshyn ghow tastey jeed. As dinsh ee da e moir-’sy-leigh quoi marish ren ee gobbraghey. As dooyrt ee, Ta ennym y dooinney raad va mee ec obbyr iu Boaz.

Ruth 2:2

As dooyrt Ruth yn Moabitess rish Naomi, Lhig dou nish goll gys y vagher, dy yeeassyragh geiyrt ersyn nee’n foayr shen y hoilshaghey dou. As dooyrt ee r’ee, Immee, my inneen.

Ruth 2:9

Lhig da dty hooillyn ve er y vagher t’adsyn dy vuinn, as gow uss geiyrt orroo: nagh vel mee er chur currym er ny deiney aegey, nagh jean ad dty lhiettal? as tra t’ou paagh, gow gys ny siyn, as iu jeh shen ny ta ny deiney aegey er hayrn.

1 Samuel 25:23

As tra honnick Abigail David, ren ee siyr, as harlheim ee jeh’n assyl, as huitt ee er e eddin kiongoyrt rish David, as chroym ee ee-hene gys y thalloo.