Ruth 1:8 - Yn Vible Casherick 1775 1819

⁸ As dooyrt Naomi rish y daa inneen-’sy-leigh eck, Immee-jee, chyndaa-jee reesht gys thie nyn mayrey: dy jean y Chiarn dellal dy graysoil riuish, myr ta shiuish er ghellal rish ny merriu, as rhym’s.

Ruth 1:8 ပူးပေါင်းရင်းမြစ်များ

2 Samuel 2:6

As nish dy jean y Chiarn kenjallys as firrinys y hoilshaghey diuish: as neem’s myrgeddin shoh nyn aigney-mie y chooilleeney, son dy vel shiu er n’yannoo yn red shoh.

Ephesianee 5:22

Shiuish vraane-poost, jean-jee shiu hene y injillaghey gys ny deiney-poost eu, myr gys y Chiarn.

Colossianee 3:18

Shiuish vraane-poost, jean-jee shiu hene y injillaghey gys ny deiney-poost eu hene, myr te cooie ayns y Chiarn.

Colossianee 3:24

Toiggal dy nee veih’n Chiarn yiow shiu yn leagh dy eiraght: son ta shiu shirveish yn Chiarn Creest.

Ruth 1:5

As hooar Mahlon as Chilion nyn-neesht baase, as va’n ven faagit gyn sheshey as gyn cloan.

Ruth 1:7

Shen-y-fa daag ee ynnyd e joarreeaght, as y daa inneen-’sy-leigh eck mâree; as ghow ad y raad gys thalloo Yudah.

Ruth 1:9

Dy giall y Chiarn diu ny-neesht gerjagh y gheddyn ’sy thie ocsyn ta kiarit dy ve nyn sheshaghyn. Eisht phaag ee ad: as hrog ad seose nyn goraa, as ren ad keayney.

Ruth 2:20

As dooyrt Naomi rish yn inneen-’sy-leigh eck, Bannit dy row eshyn jeh’n Chiarn, nagh vel er vreayll e chenjallys veih ny bio, ny veih ny merriu. As dooyrt Naomi r’ee, Ta’n dooinney faggys mooinjerys dooin, fer jeh nyn gynney sniessey.

Ruth 3:10

As dooyrt eh, Bannit dy row uss jeh’n Chiarn, my inneen; son t’ou er yeeaghyn ny smoo dy chenjallys ’sy chooish s’jerree shoh na ec y toshiaght, fakin nagh deiyr oo er deiney aegey, berchagh ny boght.