Ruth 1:6 - Yn Vible Casherick 1775 1819

⁶ Eisht hrog ee urree marish ny inneenyn-’sy-leigh eck, dy aagail cheer Voab: son v’ee er chlashtyn ayns cheer Voab, dy row’n Chiarn er yeeaghyn er e phobble, as er choyrt daue arran.

Ruth 1:6 ပူးပေါင်းရင်းမြစ်များ

Genesis 21:1

As ren y Chiarn cooinaghtyn er Sarah, myr v’eh er loayrt, as ren y Chiarn son Sarah, ny v’eh er yialdyn.

Genesis 28:20

As ren Jacob breearrey, gra, My vees Jee mârym, as my nee eh m’y reayll ’sy raad ta mee goll, as my ver eh dou arran dy ee, as coamrey dy chur moom;

Genesis 48:15

As vannee eh Joseph, as dooyrt eh, Jee, kiongoyrt rishyn ren my ayraghyn Abraham as Isaac gimmeeaght, y Jee ta er m’y niartaghey ooilley earish my vea, derrey’n laa t’ayn jiu;

Genesis 50:25

As ghow Joseph loo jeh cloan Israel, gra, Nee Jee son shickyrys jeeaghyn erriu, as ver shiu lhieu seose my chraueyn veih shoh.

Psalmyn 102:14

As cre’n-oyr? ta dty harvaantyn smooinaghtyn er ny voallaghyn eck: as s’treih lhieu dy akin ee ’sy joan.

Psalmyn 111:5

T’eh er chur beaghey dauesyn ta goaill aggle roish: bee eh dy bragh cooinaghtyn er e chonaant.

Psalmyn 132:15

Shoh’n raad vee’m ec fea, son dy bragh: ayns shoh nee’m cummal, son ta mee goaill boggey ayn.

Psalmyn 145:15

Ta sooillyn dy chooilley chretoor farkiaght ort’s, O Hiarn: as t’ou coyrt daue nyn meaghey ayns imbagh cooie.

Psalmyn 146:7

Ta’n Chiarn coyrt feaysley da ny pryssoonee: ta’n Chiarn coyrt soilshey da ny doail.

Psalmyn 147:14

T’eh jannoo shee ayns dty ardjyn: as dy dty yannoo magh lesh flooyr curnaght.

Exodus 3:16

Immee as chaggil shanstyr Israel, as abbyr roo, Ren y Chiarn Jee ny ayraghyn eu, Jee Abraham, Isaac, as Jacob, soilshaghey eh hene dou gra, Ta mee son shickyrys er yeeaghyn erriu, as er vakin shen ta jeant riu ayns Egypt.

Exodus 4:31

As ren y pobble credjal: as tra cheayll ad dy row yn Chiarn er yeeaghyn er cloan Israel, as dy row eh er vakin yn seaghyn oc, eisht chroym ad nyn ghing, as ren ad ooashlaghey.

Raaghyn Creeney 30:8

Scugh foddey voym fardalys as breagyn: ny cur dou edyr boghtynid ny berchys, jean mee magh lesh beaghey cooie er my hon:

Isaiah 55:10

Son myr ta’n fliaghey cheet neose, as y sniaghtey veih’n aer, as nagh vel ad chyndaa reesht gys shen, derrey t’ad er ushtaghey yn ooir, as coyrt er gymmyrkey mess as blaaghey, dy chur magh rass da’n chorreyder, as arran da’n eeder;

Jeremiah 29:10

Son shoh myr ta’n Chiarn dy ghra, Lurg diu v’er n’yannoo magh three-feed bleïn as jeih ec Babylon, jeeagh-yms erriu, as cooilleen-yms my ockle mie erriuish, ayns coyrt erriu dy hyndaa reesht gys yn ynnyd shoh.

Joel 2:19

Dy jarroo, nee yn Chiarn gansoor, as gra rish e phobble, Cur-jee my-ner, ver-yms hiu arroo as feeyn, as ooil, as bee shiu jeant magh lhieu: as cha der-ym erriu arragh dy ve son oltooan mastey ny ashoonee.

Zephaniah 2:7

As bee ny ardjyn cheddin son fooilliagh thie Yudah, nee ad beaghey er shen: ayns thieyn Ashkelon nee ad lhie sheese ’syn astyr: son nee yn Chiarn yn Jee oc jeeaghyn orroo, as chyndaa ersooyl nyn gappeeys.

Noo Mian 6:11

Cur dooin nyn arran jiu as gagh laa.

Noo Luke 1:68

Bannit dy row yn Chiarn Jee Israel, son t’eh er yeeaghyn er, as er livrey e phobble,

Noo Luke 19:44

As lhieggee ad oo kiart rish y thalloo, as dty chloan cheu-sthie jeed; as cha vaag ad aynyd un chlagh er clagh elley: er-yn-oyr nagh dug oo tastey da’n earish haink mish dy dty yeeaghyn.

1 Timothy 6:8

As my ta beaghey as coamrey ain, lhig dooin ve booiagh lhieu.

1 Peddyr 2:12

Leeideil nyn mea dy onneragh mastey ny Ashoonee; son wheesh as dy vel ad loayrt noi eu myr drogh-yantee, dy vod ad liorish ny obbraghyn mie eu ver ad my-ner, Jee y ghloyraghey ayns laa yn chooilleen.

Ruth 1:5

As hooar Mahlon as Chilion nyn-neesht baase, as va’n ven faagit gyn sheshey as gyn cloan.

Ruth 1:7

Shen-y-fa daag ee ynnyd e joarreeaght, as y daa inneen-’sy-leigh eck mâree; as ghow ad y raad gys thalloo Yudah.

1 Samuel 2:21

As yeeagh y Chiarn er Hannah, myr shen dy ren ee gientyn, as gymmyrkey three mec, as da inneen. As daase y lhiannoo Samuel fenish y Chiarn.