Ruth 1:5 - Yn Vible Casherick 1775 1819

⁵ As hooar Mahlon as Chilion nyn-neesht baase, as va’n ven faagit gyn sheshey as gyn cloan.

Ruth 1:5 ပူးပေါင်းရင်းမြစ်များ

Isaiah 49:21

Eisht nee oo gra ayns dty chree, Quoi t’er n’gheddyn y chloan shoh dou, fakin dy vel mee er choayl my chloan v’aym, as dy vel mee treigit, my chappee, as garragh noon as noal? as quoi t’er droggal ad shoh? Cur-my-ner, va mee faagit my-lomarcan; ad shoh, cre’n raad t’ad er ve?

Jeremiah 2:19

Nee dty vee-chraueeaght hene uss y smaghtaghey, as nee dty chooyl-skyrraghtyn hene oo y gheyrey: toig er-y-fa shen, as gow tastey vie, dy vel eh ny red olk as sharroo dy vel oo er hreigeil yn Chiarn dty Yee, as nagh vel yn aggle aym’s aynyd, ta Chiarn ny sheshaghtyn flaunyssagh dy ghra.

Noo Luke 7:12

Nish tra haink eh er-gerrey da giat yn ard-valley, cur-my-ner, va sleih cur lhieu magh dooinney marroo, va ny ynrycan mac da e voir, as v’eeish ny ben-treoghe: as va ymmodee jeh sleih yn ard-valley mâree.

Deuteronomy 32:39

Jeeagh-jee nish, dy nee mish, eer mish ny-lomarcan eh, as cha vel ayn jee erbee mârym: mish ta coyrt baase, as bioys; mish ta coyrt chingys, as slaynt: chamoo ta fer erbee oddys livrey ass my laue.

Ruth 1:2

As va ennym yn dooinney Elimelech, as ennym yn ven Naomi, as ennym e ghaa vac Mahlon as Chilion, Ephrathiteyn jeh Beth-lehem-judah: as haink ad gys cheer Voab, as duirree ad ayns shen.

Ruth 1:4

As phoose ad mraane ayns Moab; va ennym yn derrey yeh Orpah, as ennym yn jeh elley Ruth: as ren ad cummal ayns shen mysh jeih bleeaney.

Ruth 1:6

Eisht hrog ee urree marish ny inneenyn-’sy-leigh eck, dy aagail cheer Voab: son v’ee er chlashtyn ayns cheer Voab, dy row’n Chiarn er yeeaghyn er e phobble, as er choyrt daue arran.