Ruth 1:20 - Yn Vible Casherick 1775 1819

²⁰ As dooyrt eh roo, Ny abbyr-jee Naomi rhym, agh Mara; son ta’n Chiarn er ghellal dy feer sharroo rhym.

Ruth 1:20 ပူးပေါင်းရင်းမြစ်များ

Genesis 17:1

As tra va Abram kiare-feed bleïn as nuy-jeig, ren y Chiarn eh-hene y hoilshaghey da Abram, as dooyrt eh rish, She mish yn Jee ooilley-niartal, jean gimmeeaght kiongoyrt rhym, as bee uss ynrick.

Genesis 43:14

As dy der Jee ooilley-niartal diu foayr kiongoyrt rish y dooinney, dy vod eh lhiggey’n raad da nyn mraar elley, as Benjamin: my ta mee dy ve spooillit jeh my chloan bee’m spooillit.

Lioar Yob 11:7

Vod uss liorish ronsaghey geddyn magh Jee? vod slane toiggal ’ve ayd jeh folliaghtyn yn Ooilley-niartal?

Lioar Yob 19:6

Toig-jee nish dy nee Jee ta er my lhieggal, as er my ghoaill ayns e lieen.

Lioar Yob 5:17

Cur-my-ner, s’maynrey ta’n dooinney ta Jee lhie e laue er; shen-y-fa ny jean uss soiaghey beg jeh smaght yn Ooilley-niartal:

Lioar Yob 6:4

Son ta sideyn yn Ooilley-niartal cheu-sthie jee’m, ta’n pyshoon oc soo seose my spyrryd: ta atchimyn Yee soiaghey ad-hene ayns order-caggee m’oï.

Lioar Yob 9:18

Cha lhig eh dou goaill m’ennal, agh t’eh dy my lhieeney lesh sherriuid.

Psalmyn 73:14

Dy jarroo, as va mee er loayrt faggys myr ren adsyn: agh cur-my-ner, veign eisht er gheyrey sheeloghe dty cloan.

Psalmyn 88:15

Ta mee ayns treihys, as goll-rishyn ta raad y vaaish: dy jarroo veih m’aegid derrey nish dt’atchimyn ta mee er hurranse lesh aigney seaghnit.

Exodus 15:23

As tra haink ad gys Marah, cha voddagh ad giu jeh ushtaghyn Marah, son v’ad sharroo: shen-y-fa ve enmyssit Marah.

Exodus 6:3

As hoilshee mee mee-hene da Abraham, da Isaac, as da Jacob, liorish ennym yn jee ooilley-niartal, agh liorish my ennym JEHOVAH cha row enney oc orrym.

Isaiah 38:13

Smooinee mee derrey’n voghrey, dy jinnagh eh myr lion ooilley my chraueyn y vrishey: veih’n voghrey eer gys yn astyr ver oo jerrey orrym.

Hebrewnee 12:11

Nish cha vel shin jeeaghyn er smaght erbee, choud as ta shin fo, dy ve gerjoilagh, agh piandagh: agh ec y jerrey te gymmyrkey yn mess sheeoil dy chairys, dauesyn ta er ve er nyn gerraghey liorish.

Ashlish 1:8

Mish Alpha as Omega, yn toshiaght as y jerrey, ta’n Chiarn dy ghra, ta, as va, as ta dy heet, yn Ooilley-niartal.

Ashlish 21:22

As cha vaik mee chiamble edyr ayn: son ta’n Chiarn Jee ooilley-niartal, as yn Eayn, yn chiamble eck.