Ruth 1:14 - Yn Vible Casherick 1775 1819

¹⁴ As hrog ad seose nyn goraa, as cheayn ad reesht: as phaag Orpah e moir-’sy-leigh, agh duirree Ruth mâree.

Ruth 1:14 ပူးပေါင်းရင်းမြစ်များ

Genesis 31:28

As nagh vel oo er lhiggey dou bannaghey my vec as my inneenyn? t’ou ayns y chooish shoh, er n’yannoo dy ommijagh.

Genesis 31:55

As dirree Laban seose dy moghey, as phaag eh e vec as e inneenyn, as vannee eh ad: as jimmee Laban roish, as hyndaa eh reesht gys e chummal hene.

2 Samuel 19:39

As hie ooilley’n pobble harrish Jordan, as tra va’n ree er gheddyn harrish, ren y ree paagey Barzillai, as vannee eh eh; as hyndaa eh gys e hie hene.

1 Reeaghyn 19:20

As daag eh ny dew, as roie eh geiyrt er Elijah, as dooyrt eh, Lhig dou, ta mee guee ort, paagey my ayr as my voir, as eisht eiyr-ym ort’s. As dooyrt eh rish, Immee back reesht; agh cooinee cre ta mee er n’yannoo rhyt.

Raaghyn Creeney 17:17

Ta carrey dooie ec dy chooilley hraa: agh t’eh myr dty vraar-ruggit ayns earish dty heaghyn.

Raaghyn Creeney 18:24

Eshyn ta caarjyn echey, shegin da jeeaghyn eh-hene myr carrey: as ta carrey ayn lhiannys hood ny s’chenney na braar erbee.

Isaiah 14:1

As nee yn Chiarn soilshaghey myghin er Jacob, as nee eh foast goaill Israel myr reih, as soiaghey ad ayns nyn jeer hene: as bee joarreeyn goit stiagh mâroo, as nee ad lhiantyn gys thie Yacob.

Zechariah 8:23

Myr shoh ta Chiarn ny flaunyssee dy ghra, Ayns ny laghyn shen hig eh gy-kione, dy jean jeih deiney ass dy chooilley ghlare jeh ny ashoonee greme y ghoaill, eer greme er yn rumbyl echeysyn ta ny Hew, gra, Hed mayd mêriu: son ta shin er chlashtyn dy vel Jee mêriuish.

Noo Mian 10:37

Eshyn ta ny s’graihee er ayr ny moir na orrym’s, cha vel eh feeu jee’m: as eshyn ta ny s’graihee er mac ny inneen na orrym’s, cha vel eh feeu jee’m.

Noo Mian 16:24

Eisht dooyrt Yeesey rish e ostyllyn, My ta dooinney erbee aggindagh geiyrt orrym’s, lhig da eh-hene y obbal, as e chrosh y hroggal, as geiyrt orrym.

Noo Mian 19:22

Agh tra cheayll yn dooinney aeg yn raa shen, hie eh ersooyl dy trimshagh: son va state mooar hallooin echey.

Jannoo 17:34

Ny-yeih ren shiartanse dy gheiney lhiantyn huggey, as credjal: jeu shoh va Dionysius yn Areopagite, as ben va enmyssit Damaris, as feallagh elley mâroo.

Deuteronomy 10:20

Nee oo aggle y ghoaill roish y Chiarn dty Yee, eshyn nee oo y hirveish, as huggeysyn nee oo lhiantyn, as loo liorish e ennym.

Deuteronomy 4:4

Agh shiuish ren lhiantyn gys y Chiarn nyn Yee, ta shiu ooilley er-mayrn gys y laa t’ayn jiu.

2 Timothy 4:10

Son ta Demas er my hreigeil, er graih cosney seihltagh, as er n’gholl ersooyl gys Thessalonica; Crescens gys Galatia, Titus gys Dalmatia.

Hebrewnee 10:39

Agh cha vel shin jeh nyn lheid ta tayrn back gys y toyrt-mow oc hene; agh jeusyn ta credjal, gys saualtys anmey.

Ruth 1:13

Jinnagh shiu farkiagh er nyn son derrey harragh ad gys eash? jinnagh shiu fuirriaght gyn poosey er nyn son? cha vod eh ve, my chloan; son er y ghraih euish, ta mee dy mooar seaghnit, dy vel laue y Chiarn er n’gholl magh m’oï.

Ruth 1:15

As dooyrt Naomi, Cur-my-ner, ta dty huyr-’sy-leigh er gholl back gys e pobble, as gys ny jeeghyn eck hene; chyndaa uss geiyrt er dty huyr-’sy-leigh.

Ruth 1:7

Shen-y-fa daag ee ynnyd e joarreeaght, as y daa inneen-’sy-leigh eck mâree; as ghow ad y raad gys thalloo Yudah.

Ruth 2:11

As dreggyr Boaz as dooyrt eh r’ee, Ta slane toiggal aym jeh ooilley ny t’ou er n’yannoo son dty voir-’sy-leigh neayr’s baase dty heshey; as kys t’ou er n’aagail dty ayr as dty voir, as y cheer ayn v’ou ruggit, as er jeet mastey pobble joarree.